Memleket basshysy Qasym-Jomart Toqaev Samarqandta ótken Dúniejúzilik shahmat olimpiadasynda ekinshi oryn alǵan qazaqtyń shahmatshy qyzdaryn quttyqtady, dep habarlaidy dalanews.kz.
Otandastarymyz álemdegi eń myqty, áigili komanda – Qytai quramasyna ǵana ese jiberip, úlken nátije kórsetti. Prezident quttyqtaýynda dańqty shahmatshy Bibisara Asaýbaeva bastap barǵan Qazaqstan quramasy bedeldi týrnirdiń birde-bir oiynynda jeńilmegenin atap ótti. Muny shahmat sarapshylary úlken jetistik retinde baǵalap otyr.
Sonymen qatar Qasym-Jomart Toqaev bizdiń shahmat sheberleri ótken olimpiadadaǵy tabysty jolyn jalǵastyrǵanyna nazar aýdardy. Qazaqstan komandasy sol kezde de ekinshi orynǵa taban tiregen edi. Bul sportshylarymyzdyń deńgeii biik, talantty, eńbekqor ekenin, sondai-aq otanshyldyqty naqty ispen dáleldei alatynyn kórsetedi. Memleket basshysy shahmatshy arýlarymyzǵa tolaiym tabys, zor densaýlyq jáne baq-bereke tiledi, deidi prezidenttiń baspasóz hatshysy Aibek Smadiiarov.
