Áleýmettik jelilerde 1 qazan – Qarttar kúnine orai zeinetkerlerge qosymsha aqsha tólenetini týraly aqparat taraýda. Alaida mundai tólem búkil Qazaqstan boiynsha birdei qarastyrylmaǵan, dep habarlaidy dalanews.kz.
Mamandardyń túsindirýinshe, Qarttar kúnine arnalǵan tólemder respýblikalyq deńgeide emes, jergilikti áleýmettik kómek retinde júzege asyrylady. Iaǵni tólem mólsheri men ony alý sharttaryn ár óńirdiń máslihattary bekitedi, al qarajat jergilikti biýdjetten bólinedi.
Astanada qansha tólenedi?
Astana qalasynda qoldanystaǵy erejelerge sáikes Qarttar kúnine orai zeinetkerlerge 2,5 AEK kóleminde birjolǵy tólem beriledi. 2026 jyly 1 AEK mólsheri 4325 teńge bolǵandyqtan, tólem kólemi 10 812,5 teńgeni quraidy. Bul tek biylǵy jylǵa arnalǵan shara emes, mundai kómek buǵan deiin de tólenip kelgen.
Basqa óńirlerde jaǵdai qandai?
Óńirlerdegi talaptar ártúrli. Mysaly, Shymkentte 70 jastan asqan turǵyndarǵa Qarttar kúnine orai 3 AEK nemese 12 975 teńge kóleminde tólem qarastyrylǵan. Pavlodar oblysynda tólem mólsheri zeinetaqy kólemi men jas ereksheligine bailanysty belgilenedi. Al Qaraǵandy, Shyǵys Qazaqstan, Mańǵystaý, Túrkistan oblystary men Ulytaý oblysynda da óz talaptary men áleýmettik kriteriileri qoldanylady.
Tólemniń beriletinin qalai bilýge bolady?
Ol úshin turǵylyqty jerdegi ákimdik nemese áleýmettik qorǵaý organdarynyń resmi habarlamalaryn qadaǵalaý qajet. Kei óńirlerde tólemder avtomatty túrde aýdarylsa, keibir jaǵdaida qosymsha talaptar qarastyrylýy múmkin.
