[caption id="attachment_26201" align="alignright" width="336"]
Jalaý Myńbaıuly[/caption]
Baıqaýdyń maqsaty: Búgingi Táýelsizdikti arman etken Alash ıdeıasyn jáne Jalaý Myńbaıulynyń beınesin beıneleý, eli úshin ómir súrgen kemeńger tulǵanyń eren isterin jyrlaý. Rýhanı ulttyq muramyz ben eldik-erlik qundylyqtarymyzdy ulyqtap, jastar arasynda keńinen nasıhattaý.
Baıqaýdyń sharttary: Qatysýshy aqyn berilgen taqyryptar boıynsha 2 týyndysyn usynady.
Baıqaýǵa usynylatyn taqyryptyq baǵyttar:
1. Jalaý Myńbaıulyna arnalǵan jyr;
2. Táýelsiz Qazaqstan jáne Alash ıdeıasy.
Shyǵarmalar 2017 jyldyń 25 mamyryna deıin qabyldanady.
Baıqaýǵa kez kelgen aqyn qatysa alady. Baıqaý jabyq túrde ótkiziledi.
Bas júlde – 250 000 teńge.
Birinshi oryn – 150 000 teńge.
Ekinshi oryn – 100 000 teńgeden
Úshinshi oryn – 60 000 teńgeden.
Arnaýly syılyqtar – 30 000 teńgeden.
Baıqaýdyń talaptary:
• Óleń buryn esh jerde jarıalanbaǵan bolýy tıis;
• Shyǵarmalar kompúterde 14 ólshemdi (Microsoft Word – Times New Roman) áripterimen terilip, A4 pishimdi 1-shi konvertke búrkenshik atymen jazylǵan 1 danasyn jáne elektrondy nusqada joldanylýy kerek. 2-shi kishi pishimdi konvertke avtordyń shyn aty-jóni, 6h9 fotosýreti, mekenjaıy, telefondary, el.poshtasy jazylyp, aýzy bekitilip, ol 1-shi konvertke salynyp jiberilýi kerek.
• Óleńniń sońyna búrkenshik esim mindetti jazylýy tıis.
Baıqaýdyń qorytyndysyn shyǵarý.
Baıqaý qatysýshylarynyń jumysyn baǵalaý jáne jeńimpazdardy anyqtaý úshin qazylar alqasy qurylady. Qazylar alqasynyń quramyna Respýblıkaǵa belgili aqyndar kiredi. Qazylar alqasynyń quramy tóraǵadan jáne múshelerinen turady. Qazylar alqasynyń jumysyna tóraǵa basshylyq jasaıdy, sheshim shyǵarady jáne qazylar alqasynyń shyǵarǵan sheshimi úshin jaýapty bolady. Hatshy qazylar alqasynyń sheshimi boıynsha hattamany rásimdeıdi. Qazylar alqasynyń sheshimi qaıta qaraýǵa jatpaıdy.
Músháıra júldegerleri men iriktelgen jyrlar jınaq bolyp shyǵady.
Baıqaý jeńimpazdary men júldegerleri arnaıy dıplomdarmen jáne aqshalaı syılyqtarmen marapattalady.
Meken-jaıymyz: Aqtaý qalasy, 29a- shaǵyn aýdany “Nurplaza” b/o, 14- kabınet, telefondar: +7 7292-33-73-55, 8 775 478 72 29 el.poshta: akzholmangystau@mail.ru
Jaýapty: Álıa Isaeva Jangeldınqyzy
Eskertý: Júldegerler Mańǵystaý oblysy, Aqtaý qalasyna kelip-ketý jol qarjysy men jatar orny shyǵynyn ózderi kóteredi.
«Aq jol» partıasy Mańǵystaý oblystyq fılıaly janyndaǵy «Aq jol-jastar» jastar qanaty
