Mereke kúni Shyǵys Qazaqstan oblysynyń úsh aýdany – Tarbaǵatai, Glýboko jáne Tarbaǵatai aýdanynda turatyn kópbalaly otbasylarǵa turǵyn úi kilti tabystaldy.
Osy rette kópbalaly otbasylarǵa baspana «Bir qabatty Shyǵys» óńirlik baǵdarlamasy aiasynda berilgenin aita ketýimiz kerek.
Atalǵan baǵdaralama boiynsha Glýboko aýdanynda 10 otbasy, Tarbaǵatai aýdany 6 otbasy baspanalaryna ie boldy. Al Ulan aýdandaǵy Gerasimovka aýylynda 12, Saǵyr aýylyndaǵy 6 otbasy qonys toiyn toilady.
– Qurmetti jerlester Respýblika kúni qarsańynda baspanaly bolyp jatqan kópbalaly otbasylardy shyn júrekten quttyqtaimyn! Memleket basshysy Qasym-Jomart Toqaev pen oblys ákimi Danial Ahmetovtyń qoldaýymen kópten kútken úiimizge qol jetkizdik. El damýy úshin eńbeke etip júrgen azamattarǵa jáne jańa úilerdi turǵyzǵan qurylysshylarǵa alǵys aitamyn! Barlyqtaryńyzǵa jarqyn bolashaq tileimin! – dedi Glýboko aýdanynyń turǵyny Merýert Mahtieva.
Ulan aýdanynda da eki jyldan beri «Bir qabatty Shyǵys» óńirlik baǵdarlamasy sátti iske asýda. Respýblika kúni Ulan aýdanynda turatyn Kúlásh Dáleldiń otbasy da jańa baspanaǵa qol jetkizdi.
– Mereke kúni baspanaǵa qol jetkizip, qýanyshqa kenelip jatyrmyz. Endi Respýblika kúni bizdiń otbasymyz úshin aitýly merekegǵ ainaldy. Bul kúni bizder ózimizdiń kópten kútken baspanamyzǵa qol jetkizdik, – dedi Saǵyr aýylynyń turǵyny Kúlásh Dálel.
Respýblika kúni Shemonaiha aýdanynda dene shynyqtyrý jáne saýyqtyrý kesheni jurttyń paidalanýyna berildi. Jańa nysannyń ashylýdyn aýdan turǵyny Ekaterina Beisembaeva dál osy kesheniń ashylýyn asyǵa kútkenin aitty.
– Endi bizder bos ýaqytymyzdy tiimdi ótkizetin múmkindikke ie boldyq. Aldaǵy ýaqytta densaýylǵymyzdy túzep, sportpen ainalysamyz, – dedi turǵyny Ekaterina Beisembaeva.
Osylaisha Shyǵys Qazaqstan oblysynda Respýblika kúni qarsańynda 500-den astam is-shara uiymdastyrylyp, 10 áleýmettik nysan paidalanýǵa berildi. Sonymen qatar 34 otbasy qonys toiyn toilaǵanyn aita ketýimiz kerek.
