25 qazan – Respýblika kúni merekesi qarsańynda Túrkistan qalasynda 260 páterli, 3 kópqabatty turǵyn úi el igiligine paidalanýǵa tapsyryldy. Turǵyndardyń qýanyshyn bólisýge oblys ákimi Darhan Satybaldy arnaiy baryp, azamattarǵa baspana kiltin tabys etti, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
– Sizderdi Respýblika kúnimen quttyqtaimyn! Egemen elimiz máńgi jasasyn! Osyndai aitýly mereke qarsańynda oblys ortalyǵynyń turǵyndary qýanyshqa bólenip otyr. Biz halyqty baspanamen qamtý baǵytyndaǵy jumystardy toqtatpaimyz. Bizden bir ǵana talap – ainalany taza ustap, tazalyqty saqtaý, – dedi Darhan Satybaldy.
Túrkistan qalasynyń «Otyrar» sektory aýmaǵynda 20 turǵyn úidiń qurylysy bastaldy. Onyń ishinde 9 turǵyn úidi «Bastaý» korporatsiiasy arqyly satyp alý jumystary júrgizilip, kezekte turǵan azamattarǵa úlestirilýde.
Búgin 3 turǵyn úi 123 kópbalaly otbasyna, 129 halyqtyń «áleýmettik jaǵynan álsiz toptary» sanatyna enetin azamattarǵa jáne 8 jetim jáne ata-anasynyń qamqorlyǵynsyz qalǵan balaǵa berildi.
Qazirgi tańda Túrkistan qalasynyń turǵyn úi kezeginde baspanaǵa muqtaj 16 515 azamat tur. Jergilikti turǵyndardy baspanamen qamtý jumystary qarqyndy júrip jatyr. Biyl oblys ortalyǵynda kezekte turǵan 222 otbasy arendalyq baspanamen qamtamasyz etildi.
Sonymen qatar jyl sońyna deiin kezektegi azamattardy turǵyn úimen qamtamasyz etý maqsatynda 1728 páterli 20 kópqabatty turǵyn úidiń qurylysy júrgizilýde.
