Astana turǵyny qazaqstandyqtarǵa AQSh vizasy men azamattyǵyn jáne "jeńil kóshi-qondy" ýáde etip, milliondaǵan teńge alǵan. Endi ol 7 jylǵa jýyq merzimge sottaldy, dep habarlaidy dalanews.kz.
Sot málimetinshe, áiel eki kompaniiasy arqyly zańgerlik qyzmet kórsetetindei kórinip, alaiaqtyq shema uiymdastyrǵan.
Klientterge AQSh, Ulybritaniia jáne Eýropa elderine uzaq merzimdi viza rásimdep berýge, al keibirine tipti AQSh azamattyǵy men turaqty turýǵa ruqsat alyp berýge ýáde etilgen. Ol úshin adamdardan qomaqty qarajat jinalyp, barlyq másele "senimdi bailanystar" arqyly sheshiletini aitylǵan. Alaida tergeý barysynda eshqandai naqty qyzmet kórsetilmegeni anyqtaldy.
Is boiynsha 124 alaiaqtyq epizody tirkelip, keltirilgen jalpy shyǵyn kólemi shamamen 896 million teńgeni quraǵan.
Sotta dálel retinde hat almasýlar, aqsha aýdarymdary, qolhattar jáne jábirlenýshilerdiń jaýaptary usynylǵan. Aiyptalýshy óz kinásin tek ishinara moiyndaǵan.
Nátijesinde áiel 6 jyl 8 aiǵa bas bostandyǵynan aiyryldy. Sonymen qatar oǵan 5 jyl boiy týrizm jáne kóshi-qon salasynda jumys isteýge tyiym salyndy.
