Is-sharaǵa Almaty ákimi Erbolat Dosaev, qoǵam qairatkerleri, Máslihat depýtattary, ÚEU ókilderi, qala jastary qatysty.
Respýblika kúnine arnalǵan is-shara «Medeýde» qazaqstandyq estrada ártisteriniń qatysýymen ótken kontsertpen jalǵasty.
Sahnada Muqasan Shahzadaev, Maqsat Bazarbaev, Injý Ánýarbek, Abai Begei, Ashat Tarǵyn jáne Indira Elemes óner kórsetti.
- Jibek joly dańǵylynda, Panfilov pen Báiseiitova kósheleriniń arasynda saǵat 10:00-den 18:00-ge deiin qolónershiler jármeńkesi ótedi. Jármeńkede Qazaqstan, Ózbekstan jáne Qyrǵyzstan sheberleriniń qoldan jasalǵan buiymdary usynylady.
-10:00-den 18:00-ge deiin Abai dańǵyly, 159 mekenjaiyndaǵy sport-jattyǵý kesheninde shaǵyn fýtbol, voleibol jáne dziýdodan, sonymen birge ál-Farabi atyndaǵy QazUÝ-da ústel tennisi jáne qazaq kúresinen sport festivali ótedi.
- Saǵat 14:00-de «Kók-tóbe» saiabaǵynda «Almaty áýenderi» shyǵarmashylyq ujymdarynyń qatysýymen «Jasai ber máńgi – Qazaqstan» atty merekelik kontsert ótedi.
- Balýan Sholaq atyndaǵy sport saraiynda 15:00-den 18:00-ge deiin qazaqstandyq estrada juldyzdary qatysatyn qazaq kúresinen «Óner barysy» týrniri ótedi.
-Saǵat 16:00-de Qazaq memlekettik tsirkinde Respýblika kúnine jáne ataqty kloýn jáne siqyrshy Kárim Mutyrǵanovtyń 70 jyldyǵyna arnalǵan benefis uiymdastyrylady. Akrobattar, áýe gimnasttary, jonglerler, ekvilibrister, illiýzionister men saiqymazaqtar shoý-baǵdarlama kórsetedi.
