Reseilikter AQSh Reseige qaýip tóndirip tur dep oilaidy
Ýkraina daǵdarysy, Qyrymdy anektsiialap alýy, Ýkraina shyǵysynda separatisterdi qoldaýyna bailanysty salynǵan sanktsiialar nátijesinde Resei ekonomikasy 250 milliardtan asa qarjysyn joǵaltty. Munai baǵasy túsip ketti, rýbl óz qunyn joǵaltty. Sanktsiia zardabynan ekonomikasy keri ketken Resei daǵdarysqa AQSh pen Batysty kináli sanaýda. Buǵan halyqty sendirý úshin aqparattyq nasihat jumysyna qatty kóńil bóldi. 2014 jyldan beri Resei nasihat quraldary eldegi telekanaldar men radio, baspasózde Batysty qaralaý, kináli etip shyǵarý tásiline kóshti. Ýkraina maidanynan bergi bolyp jatqan jańalyqtardy burmalap jetkizý men Pýtindi orys ultynyń qaharmany etip kórsetý belsendi júrgizilýde. Tipti, arnaiy internet saittar ashý, oqiǵalarǵa orai túrli maqalalar jazý, áleýmettik jelilerde qoǵamdyq pikir qalyptastyrý úshin Sankt-Peterbýrgte jasyryn mekeme qurylyp, jumystar júrgizýde. Mundai aqparattyq nasihat mekemesiniń qurylǵandyǵy byltyr belgili bolǵan. Táýligine 24 saǵat tynbai jumys isteitin «Aqiqat úii» dep atalatyn mekemeni Vladimir Pýtinniń jeke aspazy Evgenii Prigojin basshylyq etetin kompaniia qarjylandyryp keledi. Reseidiń bul jumystarynyń nátijesi kórine bastady. Jaqynda Levada qoǵamdyq statistikalyq ortalyǵy 2007 jylmen salystyrǵandaǵy saýalnama nátijesin usyndy.
[caption id="attachment_10717" align="alignright" width="309"]МИНИСТРЛИК Sankt-Peterbýrgtegi jańadan jumys bastaǵan «Aqiqat ministrligi» mekemesi[/caption]
Sońǵy statistikalyq zertteýler nátijesinde Reseilikterdiń jartysynan kóbi elderiniń daǵdarysqa ushyraýyna AQSh pen Batysty kináli dep sanaitynyn kórsetti. Budan burynǵy statistikalyq nátijege qaraǵanda bul joly anaǵurlym artqan. Resei azamattarynyń 59 paiyzy AQSh-ty Reseige qaýip tóndirýde dep sanaidy. Bulardyń ishinde 19 paiyzy naqty jáne senimdi túrde aitady. 2007 jyly halyqtyń 47 paiyzy AQSh-ty Reseige qaýipti dep aitqan. Orystardyń 48 paiyzy ekonomikalyq sanktsiialarǵa AQSh pen Batysty kináli dep sanaidy. Eldiń 40 paiyzynyń pikirinshe, AQSh Resei ekonomikasyn tejegisi keledi. Al 36 paiyzy Batys Reseige mádenietin tyqpalaǵysy keledi, óz mádenietimizden aiyrǵysy keledi dep jaýap bergen. Al saýalnamaǵa qatysqandardyń 31 paiyzy AQSh Reseige soǵys ashýy múmkin dep oilaidy eken. Bulaisha oilaityndar 2007 jyly 21 paiyzdy quraǵan.
Nazar Turyqbaiuly
