Ainalasy bir aptada aiaqtalady degen soǵystyń júrip jatqany bir jylǵa taiap qaldy. Demek eshteńe Pýtin oilaǵandai júzege asyp jatqan joq.
Resei Pýtinniń arqasynda qurdymǵa qulap bara jatqany anyq.
Árine, Resei bir jylda ydyrap ketpeidi. Bul úrdis ondaǵan jylǵa sozylýy múmkin.
Biraq imperiianyń qurdymǵa qulap bara jatqany anyq. Dál qazir Reseide quqyqtyq memleket dep aitýǵa aýzyń barmaidy. Memlekettik institýttar degradatsiiaǵa túsip, bapaqqa batqan. Patyshaly Reseidiń kezinde eshkim túrmelerdi aralap, "zekterdi" temir tordyń ar jaǵynan sýyryp alyp, soǵysqa salmaǵany anyq.
Resei áskeri Ýkraina jerinde alqynyp, óziniń áskeri qýatynyń qanshalyqty álsiz ekenin aidai álemge pash etkennen keiin, soǵys sahnasyna Qydyrov pen Prigojin shyqty. Bul ekeýi reti kelgende Resei qarýly kúshteriniń basshylaryn jerden alyp, jerge salyp synaityn boldy. Biraq eki myqtynyń basqalar siiaqty jaýapqa tartylǵanyn kórmedik. Al qarapaiym halyq orys áskeri jaiynda az ǵana syn aitsa, temir tordyń ar jaǵynan biraq shyǵatyny belgili.
Reseidiń ydyraýyna qatysty negizgi áńgimemizge qaita oralsaq. Biyl Pýtin júzdegen jýrnalistiń basyn qosyp ótkizetin dástúrli baspasóz máslihatyn ótkizgen joq. Oǵan Ýkraina jerindegi Resei áskeriniń jeńilisi sebep bolǵany anyq.
Esesine Sheshenstan basshysy Ramzan Qadyrov jýrnalister men kezdesip, jyldy qorytyndylap baspasóz máslihatyn ótkizdi. Osylaisha Qadyrov Kremlge Reseidiń ydyrai bastaǵanyn aiqyndap aidai álemge belgi berdi.
Bul jerde Ramzan Qadyrovtyń baspasóz máslihatynda ne aitqany mańyzdy emes. Mańyzdysy baspasóz máslihatyn ótkizgeni bolyp tur. Bul – Qadyrovtyń Kremlge baǵyttaǵan messedji bolǵany anyq.
Soǵys bastalǵaly beri Ramzan Qadyrov ózin Reseiden bólek eldiń basshysy retinde sezinýde. Onyń óz sarbazdarymen birge maidan shebine baryp, qara kórsetýi, Qorǵanys ministri Sergei Shoigý men Bas shtabtyń bastyǵy Valerii Gerasimovke qarsy syn aitýy kóp jaitty ańǵartsa kerek.
Mobilizatsiia kezinde «sheshender soǵysqa kóp ásker jiberip normany oryndady» dep el ishinen ásker jinaýdy short keskenin bilemiz.
Qadyrovtyń erkin áreketke kóshýi bul Resei memlekettiligine syna qaǵylǵannyń belgisi dep qabyldaý kerek. Al tasqa túsken syna tasty bólshektep tynatyny anyq.
