Búgin Reseıdiń túrli joǵary oqý oryndarynda oqıtyn jetisýlyq 102  stýdent Tomsk qalasy arqyly Almaty áýejaıyna oraldy, – dep habarlaıdy Almaty oblysy ákiminiń baspasóz qyzmeti.

Elge oralǵan stýdentter 2 avtobýspen Qapshaǵaı mańyndaǵy demalys ornyna jetkizilip, ornalastyryldy. Olar eki kún karantınde bolady. Olarǵa demalys orny aýmaǵynan syrtqa shyǵýǵa ruqsat joq. Stýdentter birinshi kezektegi qajettiliktermen tolyq qamtamasyz etiledi.

Bul orynda karantın talaptary men sanıtarlyq-dezınfeksıalyq sharalardyń qatań saqtalýyn tıisti sala mamandary baqylaıtyn bolady. Demalys ornyna kireberiste polısıa posty ornatylǵan. Stýdentterdiń barlyǵy KVI-ge test tapsyrdy. Qorytyndysy shyqqannan keıin olar turǵylyqty jerlerine taratylatyn bolady.