Sý tasqynyna qatysty tótenshe jaǵdai tek Qazaqstandy emes, kórshiles Reseide de kúrdeli bolyp otyr. Resei Federatsiiasynyń birneshe oblysynda aimaqtyq dárejedegi tótenshe jaǵdai jariialanǵan.
Resei Federatsiiasy prezidentiniń Oral federaldy okrýgindegi ókili Vladimir Iakýshev óńirdegi qazirgi jaǵdai týraly aityp, bul jaitqa Qazaqstannyń qandai áseri baryn tilge tiek etti, - dep habarlaidy Dalanews.kz.
Vladimir Iakýshevtiń aitýynsha, jaǵdai kúrdeli, jumys istelip, aýmaqtar tekserilip jatyr. Ásirese, sý kelip jatqan aimaqtarda belsendi jumystar qolǵa alynǵan. Al keibir aýmaqtarda evakýatsiia jumystary júrgizilip jatyr. Sonymen qatar, resmi ókil Resei Qorǵan jáne Túmen oblystaryndaǵy sý tasqynynyń aldyn alý úshin Qazaqstan óziniń sý qoimalarynda sýdy "kelisilgen túrde jiberýi kerek" degen pikirde.
"Bizde osyndai qys bolǵan kezde, onyń ústine qar da jetkilikti mólsherde jaýǵan kezde, sonymen qatar, sý qoimasynda sýdyń jetkilikti úlken qory jinalǵan kezde osy sý qoimalaryna sý neǵurlym kelisken túrde, durys jáne birkelki kelýi úshin áriptesterimizben (Qazaqstandaǵy - esk.) jumys isteý kerek", - dedi Iakýshev RBK telearnasynyń efirinde.
Onyń aitýynsha, osy máseleler sheshilgen jaǵdaida birneshe oblysta sý tasqynynyń aldyn alýǵa bolady. Ázirge Qorǵan "úlken sýǵa" daiyndalyp jatyr.
"Aldyn ala boljam boiynsha bul - tarihi maksimým",- dedi ol.
Aita keteiik, Qazaqstannyń da birqatar óńirinde sý tasqyny máselesi ýshyǵyp otyr. Resmi derekterde Atyraý oblysy Qulsary qalasynda úsh myńǵa jýyq úi sýǵa ketti delinedi. Al Batys Qazaqstan oblysy Jaiyq ózeniniń deńgeii kóterilýin qatań baqylap otyr.
"Sý Resei Federatsiiasynyń tarapynan keledi, onda sý tasqynyna bailanysty Iriklin sý qoimasyna jiberilip jatyr. RF tarapynan Iriklin sý qoimasynyń sýyn aǵyzý birtindep azaiyp keledi. Resei tarapynyń aqparaty boiynsha Irikla sý qoimasyna aǵyn jyldamdyǵy - 1 485 m3/sek", - dedi Batys Qazaqstan oblysy TJD bastyǵynyń mindetin atqarýshy polkovnik Rýslan Qasybaev OKQ alańynda ótken brifingte buǵan deiin.
Sý tasqyny kezeńi bastalǵaly óńirde barlyǵy 12 970 adam evakýatsiialandy, onyń ishinde 5 400-ge jýyǵy bala. 1155 turǵyn úi sý astynda qaldy, onyń 732-sine turǵyndar qaityp keldi.
Al "QazAvtoJol" UK AQ ókilderi respýblikalyq joldarda 706 tehnika men 1680 adam sý tasqynynyń aldyn alý boiynsha jumys istep jatqanyn málimdedi.
Sondai-aq, ýaqytsha ornalastyrý pýnktterinde 7 myńnan asa adam bar degen derekter de bar.
