Reseide Qazaqstan týmasy 17 jylǵa sottaldy, dep habarlaidy Dalanews.kz.
Qazaqstanda týǵan Petr Gorbýnov 17 jylǵa bas bostandyǵynan aiyryldy. Máskeýdiń 2-Batys aimaqtyq áskeri soty ony memlekettik opasyzdyq, terroristik uiym qyzmetine qatysý jáne jarylǵysh zattardy zańsyz saqtaý baptary boiynsha kináli dep tanydy. Sot sheshimi boiynsha ol jazasyn qatań rejimdegi koloniiada óteidi.
Tergeý málimetteri boiynsha, Gorbýnov Reseide tyiym salynǵan terroristik uiym ókilderimen bailanysqa shyǵyp, olardyń tapsyrmasymen orman alqabyndaǵy jasyryn qoimadan jarylǵysh qurylǵylardy alǵan. Bul zattardy ol óz úiinde saqtap, keiin terakt uiymdastyrý maqsatynda úshinshi tulǵalarǵa bermek bolǵan. Alaida Federaldyq qaýipsizdik qyzmeti (FSB) ony Belgorod oblysynda quryqtap, jarylǵysh qurylǵylardy tárkilep, zalalsyzdandyrǵan.
TASS taratqan resmi málimetke sáikes, sot úkimimen Petr Gorbýnovqa 17 jyl bas bostandyǵynan aiyrý jazasy taǵaiyndalyp, oǵan qosa 600 myń rýbl kóleminde aiyppul salynǵan.
