Reseide eki qazaqstandyq terakt uiymdastyrýǵa áreket etkeni belgili bolǵan edi. Keiin ekeýi de mert boldy. Reseilik Telegram-arnalar osy eki adamnyń esimi terrorister men ekstremister tizimine engizilgenin jazyp jatyr, - dep habarlaidy Dalanews.kz.
Buǵan deiin BAQ-ta Resei Federatsiiasynda Qazaqstannyń eki azamaty terrorlyq akti jasaýdy uiymdastyrýǵa áreketi kezinde Reseidiń kúshtik qurylymdarymen kózi joiylǵany týraly aqparat taraǵan bolatyn.
Keiinirek Ulttyq qaýipsizdik komiteti bul adamdarda Qazaqstandyq azamattyǵy baryn jáne Reseige shyqqandyǵyn rastady.
Kórsetilgen derek boiynsha UQK sotqa deiingi tergep-tekserý júrgizip jatyr.
Al "Baraeva" telegram-arnasynyń málimetinshe, Qazaqstannyń UQK-i men reseilik FSB Reseidiń Kalýga oblysy aýmaǵynda Qazaqstan azamattarynyń lańkestik áreketin daiyndaǵanyn birlesip tergep jatyr.
"Qazaqstanda tyiym salynǵan "Islam memleketi" uiymynyń "Vilaiat Horasan" tobynyń dini fanattary birqatar teraktti uiymdastyra almai, qazaqstandyq jáne reseilik tarapty qyrylystyryp qoidy. Bul qylmystyń ulty bolmaǵan kezdegi jaǵdai. Dál osy kózi joiylǵan lańkester óz otandastaryn da óltirýi múmkin edi.
Insaiderlik aqparatqa súiensek, Túrkiia prezidenti Rejep Taiyp Erdoǵannyń elge kelýi qarsańynda Qazaqstanda qoǵamdyq-saiasi jaǵdaidy turaqsyzdandyrý maqsatynda Qazaqstanda da lańkestik áreketterdiń kezekti seriiasy bolýy kerek bolǵan", - delingen telegram arnada.
