رەسەيدە ەكى قازاقستاندىق تەراكت ۇيىمداستىرۋعا ارەكەت ەتكەنى بەلگىلى بولعان ەدى. كەيىن ەكەۋى دە مەرت بولدى. رەسەيلىك Telegram-ارنالار وسى ەكى ادامنىڭ ەسىمى تەرروريستەر مەن ەكسترەميستەر تىزىمىنە ەنگىزىلگەنىن جازىپ جاتىر، - دەپ حابارلايدى Dalanews.kz.
بۇعان دەيىن باق-تا رەسەي فەدەراسياسىندا قازاقستاننىڭ ەكى ازاماتى تەررورلىق اكتى جاساۋدى ۇيىمداستىرۋعا ارەكەتى كەزىندە رەسەيدىڭ كۇشتىك قۇرىلىمدارىمەن كوزى جويىلعانى تۋرالى اقپارات تاراعان بولاتىن.
كەيىنىرەك ۇلتتىق قاۋىپسىزدىك كوميتەتى بۇل ادامداردا قازاقستاندىق ازاماتتىعى بارىن جانە رەسەيگە شىققاندىعىن راستادى.
كورسەتىلگەن دەرەك بويىنشا ۇقك سوتقا دەيىنگى تەرگەپ-تەكسەرۋ جۇرگىزىپ جاتىر.
ال "بارايەۆا" تەلەگرام-ارناسىنىڭ مالىمەتىنشە، قازاقستاننىڭ ۇقك-ى مەن رەسەيلىك فسب رەسەيدىڭ كالۋگا وبلىسى اۋماعىندا قازاقستان ازاماتتارىنىڭ لاڭكەستىك ارەكەتىن دايىنداعانىن بىرلەسىپ تەرگەپ جاتىر.
"قازاقستاندا تىيىم سالىنعان "يسلام مەملەكەتى" ۇيىمىنىڭ "ۆيلايات حوراسان" توبىنىڭ ءدىني فاناتتارى ءبىرقاتار تەراكتتى ۇيىمداستىرا الماي، قازاقستاندىق جانە رەسەيلىك تاراپتى قىرىلىستىرىپ قويدى. بۇل قىلمىستىڭ ۇلتى بولماعان كەزدەگى جاعداي. ءدال وسى كوزى جويىلعان لاڭكەستەر ءوز وتانداستارىن دا ءولتىرۋى مۇمكىن ەدى.
ينسايدەرلىك اقپاراتقا سۇيەنسەك، تۇركيا پرەزيدەنتى رەجەپ تايىپ ەردوعاننىڭ ەلگە كەلۋى قارساڭىندا قازاقستاندا قوعامدىق-ساياسي جاعدايدى تۇراقسىزداندىرۋ ماقساتىندا قازاقستاندا دا لاڭكەستىك ارەكەتتەردىڭ كەزەكتى سەرياسى بولۋى كەرەك بولعان"، - دەلىنگەن تەلەگرام ارنادا.
