Qazaqstan úsh jylý elektr ortalyǵynyń (JEO) qurylysyn júrgizý úshin reseilik merdigerlerge balama izdeýde. Bul týraly Energetika vitse-ministri Baqytjan Iliiasov málimdedi, dep habarlaidy Dalanews.kz.
Onyń aitýynsha, qazirgi tańda elimiz basqa da yqtimal seriktestermen kelissózder júrgizip jatyr.
“Samuryq-Energo” tarapynan kelissózder júrip jatyr. Sonymen qatar ekologiialyq talaptar men zamanaýi energiia tiimdiligi standarttaryna sai keletin energetikalyq nysandardy salýǵa qabiletti kompaniialarmen de bailanys ornatylýda. Bul Qytai men Koreia elderiniń energetikalyq kompaniialary bolýy múmkin. Qarastyrylyp jatqan birneshe nusqa bar”, – dedi Iliiasov Astanada ótken kezdesýde.
Aita keteiik, buǵan deiin Premer-ministrdiń orynbasary Roman Skliar Kókshetaý, Semei jáne Óskemen qalalaryndaǵy úsh JEO qurylysyna qatysty reseilik investorlardyń qarjylai qiyndyqtarǵa tap bolǵanyn aityp, olardyń ornyna jańa investor tartý máselesi qarastyrylyp jatqanyn habarlaǵan edi.
