Reseidiń Qorǵanys ministrligi Qazaqstan Prezidenti Qasym-Jomart Toqaevtyń ákesi, gvardiia serjanty Kemel Toqaevqa qatysty marapattaý paraǵyn jariialady, - dep habarlaidy Dalanews.kz.
Kemel Toqaev 1945 jyly qańtarda Polshada kórsetken erligi men batyrlyǵy úshin II dárejeli Otan soǵysy ordenimen marapattalǵan.
7-shi jeke gvardiialyq Lomjinsk aýyr tank shabýyl polkiniń komandiri, gvardiia podpolkovnigi Afanasii Povarov qol qoiǵan qujatta bylai delingen:
"1945 jyly 21 qańtarda Egliiovets eldi mekeniniń soltústik-batys aýmaǵynda nemister túnde bizdiń pozitsiialarǵa qarsy shabýyl jasady. Avtomatshylar óz tankterin taisalmai qorǵap, keiin qarsy shabýylǵa shyǵyp, nemisterdi shegindirdi. Joldas Toqaev jaý shebine birinshi bolyp basyp kirip, avtomatymen 5 nemisti atyp óltirdi jáne bir jaraly nemisti tutqynǵa aldy. Tutqyndy óz bólimshesine ákele jatqanda, Toqaevtyń aiaǵyna jarylǵysh oq tiip, jaralandy. Toqaev jaraly nemisti atyp óltirip, jarasyn tańyp, óz tankterine jetti".
Bul kúni nemis mergeni jarylǵysh oqpen Kemel Toqaevtyń baltyryn jaralaǵan. Jaýynger Oraldyń ar jaǵyna evakýatsiialanyp, dárigerler onyń aiaǵyn kesýdi uiǵarǵan. Alaida sol kezdegi jas dáriger, keiin álemge áigili hirýrg atanǵan Gavriil Ilizarov ony aman alyp qalǵan. Osy sátte Ilizarov Kemel Toqaevqa súiek deformatsiialaryn emdeýge arnalǵan bolashaq ónertabysynyń, biregei qurylǵysynyń alǵashqy nobailaryn qoldanǵan.
