Siriiadaǵy beibit turǵyndarǵa qarsy jasalǵan ýly gazben shabýylǵa qarsylyq bildirý – Asad biligi men Resei saiasatyna qarsy shyǵý degen sóz. Meniń oiymsha, Qytai men AQSh ózara odaqtastyqqa alǵashqy qadam jasap otyr. Múmkin eki tarap qalyptasyp kele jatqan baǵyttan bas tartar, biraq AQSh pen Qytai Reseige qarsy odaqtas bola jazdady.
Osy eki uly derjava (AQSh pen Qytai álemde áskeri jáne ekonomika jaǵynan eń qýatty memleketter), egerde AQSh pen Qytai Reseige qarsy odaqtas bola qalsa - onda Reseidiń jaǵdaiy tipti múshkil bolmaq. Qytaidyń Reseige qyjyly bar – ol territorialyq talaptar: kezinde Qytai 19 ǵasyrdyń ortasyndaǵy «Apiyn soǵysynan» keiin álsirep, Aigýn jáne Pekin kelisimderine qol qoiyp, Amýr ózeniniń boiyndaǵy ólkelerdi Reseige berýge májbúr bolǵan.
Sol tusta 19 ǵasyrdyń ortasynda basqa iri memleketter de Qytaidan jer oljalaǵan. Ulybritaniia Tsziýlýn jartyaralynyń ońtústigi, sol siiaqty «Apiyn soǵystarynyń» nátijeleri jáne joǵaryda atalǵan Pekin kelisimi boiynsha Gonkongty Portýgaliia ielengen (1557 jyldan bastap Makaony).
Biraq búgingi tańda Ulybritaniia jáne Portýgaliia barlyq otar territoriialaryn Qytaiǵa qaitardy, tek Resei ǵana Qytaiǵa tartyp alǵan jerlerin qaitarmai otyr.
Sondyqtan AQSh pen Qytai Reseige qarsy ymyralasýy múmkin. Resei ekinshi Dúnie júzilik soǵystan keiingi jahandyq tártipti buzdy dep esepteledi: Resei Ýkrainadan Qyrymdy tartyp aldy jáne Shyǵys Ýkrainadaǵy «azamat soǵysyn» qoldap otyr.
Al Kaliningrad oblysynda «Eskendir» raketalaryn ornalastyryp, Batys Evropanyń záresin alyp otyr. Qoryta aitsaq, AQSh, Irandy «keshirip», ony Reseige qarsy qoidy. Endi AQSh Qytaimen odaqtas bola qalsa, egerde bul odaqtastyq pen ymyrashyldyqty Eýroodaq qoldasa, onda oqshaýlanǵan Reseidi AQSh, Eýroodaq jáne Qytai Reseidi tútip jeidi.
Ázimbai Ǵali,
saiasattanýshy
