Resei Qazaqstannan bidai, qyzanaq jáne burysh tasymalyna qoiylǵan shekteýlerdi tolyǵymen joidy. Tek kúnbaǵys tuqymdaryna qatysty shekteý óz kúshinde qalyp otyr. Bul týraly QR Aýyl sharýashylyǵy ministri Aidarbek Saparov málimdedi, dep jazady Dalanews.kz.
"Bul másele boiynsha men Máskeýge arnaiy bardym, aýyl sharýashylyǵy ministrimen, "Rosselhoznadzor" basshysymen kezdestim. Dándi, burshaqty, maily daqyldar boiynsha máseleler óz sheshimin tapty. Vagondar qazir burynǵydai qańtarylyp turmaidy. Biz muny edel-jedel sheshtik, eksportty jóneltýge kirisemiz. Qazir sheshimi tabylmaǵan jalǵyz nárse bar, bul gúlderge qatysty. Biraq bul máseleni de sheshemiz, ary ketkende 10 kúnde", - dedi Saparov Úkimet otyrysynda.
Onyń aitýynsha, Qazaqstan tranzitine qatysty barlyq shekteýler qarasha aiynda alynǵan. Alaida, Resei tarapy ónimderdi birden kemege tieýdi talap etti.
"Al kemege tieý úshin birneshe júz vagon, turyp qalatyn jaǵdailardy eskersek, kóp ýaqytty qajet etedi. Sondyqtan men qańtarda attanyp, júkti aýystyryp tieýge ruqsat berý týraly máseleni sheship keldim. Qazir eksport jaqsy júrip jatyr. Budan basqa, biz qazir basqa naryqtardy da izdestirýdemiz, Baltyq jaǵalaýy arqyly Eýropaǵa shyǵý úshin, básekelestik bolý úshin", – dep sózin túiindedi ministr.
2024 jyldyń qazan aiynda Resei Qazaqstannan bidai, jasymyq, qyzanaq, burysh, qaýyn jáne kúnbaǵys tuqymyn ákelýge ýaqytsha shekteýler engizdi. "Rosselhoznadzor" munyń sebebin ónimderde karantinge jatqyzylǵan obektilerdiń tabylýy dep túsindergen edi.
