8 qazanda Qazaqstannyń premer-ministriniń orynbasary Roman Skliar men reseilik «Gazprom» kompaniiasynyń basshysy Aleksei Miller jańa magistraldy gaz qubyry jobasyn iske asyrý týraly memorandýmǵa qol qoidy, dep habarlaidy Dalanews.kz.
«Reseiden Qazaqstanǵa baǵyttalǵan jańa gaz qubyry jobasyn júzege asyrý jóninde kelisimge qol qoiyldy. Qujatta Orynbor gaz óńdeý zaýytynyń jańǵyrtylatyn nysandarynda Qarashyǵanaq gazynyń óńdelýine qatysty yntymaqtastyq tetikteri qarastyrylǵan», - delingen «Gazpromnyń» resmi saitynda jariialanǵan habarlamada.
Eýropaǵa gaz jetkizý múmkindiginen aiyrylǵannan keiin Resei jańa naryq izdeýge kirisken edi. Ótken jyly Resei prezidenti Vladimir Pýtin men Ózbekstan basshysy Shavkat Mirziioev Resei gazyn Ózbekstanǵa tasymaldaý týraly kelisimge kelgen bolatyn. 2024 jyly Reseiden Ózbekstanǵa 5,6 milliard tekshe metr gaz jetkizildi, al aldaǵy jyldary bul kólem 11 milliard tekshe metrge deiin ulǵaimaq.
Buǵan deiin halyqaralyq basylymdar Máskeýdiń gaz eksporty salasyndaǵy daǵdarysqa qaramastan, reseilik gazdy Soltústik Qazaqstanǵa jetkizý baǵytynda belsendi áreket etip jatqanyn jazǵan. Munai men gaz qory mol batys óńirlerine qaramastan, Qazaqstannyń soltústik bóligi áli kúnge deiin tolyq gazben qamtylmaǵan.
