8 قازاندا قازاقستاننىڭ پرەمەر-مينيسترٸنٸڭ ورىنباسارى رومان سكليار مەن رەسەيلٸك «گازپروم» كومپانيياسىنىڭ باسشىسى الەكسەي ميللەر جاڭا ماگيسترالدى گاز قۇبىرى جوباسىن ٸسكە اسىرۋ تۋرالى مەموراندۋمعا قول قويدى, دەپ حابارلايدى Dalanews.kz.
«رەسەيدەن قازاقستانعا باعىتتالعان جاڭا گاز قۇبىرى جوباسىن جٷزەگە اسىرۋ جٶنٸندە كەلٸسٸمگە قول قويىلدى. قۇجاتتا ورىنبور گاز ٶڭدەۋ زاۋىتىنىڭ جاڭعىرتىلاتىن نىساندارىندا قاراشىعاناق گازىنىڭ ٶڭدەلۋٸنە قاتىستى ىنتىماقتاستىق تەتٸكتەرٸ قاراستىرىلعان», - دەلٸنگەن «گازپرومنىڭ» رەسمي سايتىندا جارييالانعان حابارلامادا.
ەۋروپاعا گاز جەتكٸزۋ مٷمكٸندٸگٸنەن ايىرىلعاننان كەيٸن رەسەي جاڭا نارىق ٸزدەۋگە كٸرٸسكەن ەدٸ. ٶتكەن جىلى رەسەي پرەزيدەنتٸ ۆلاديمير پۋتين مەن ٶزبەكستان باسشىسى شاۆكات ميرزييوەۆ رەسەي گازىن ٶزبەكستانعا تاسىمالداۋ تۋرالى كەلٸسٸمگە كەلگەن بولاتىن. 2024 جىلى رەسەيدەن ٶزبەكستانعا 5,6 ميلليارد تەكشە مەتر گاز جەتكٸزٸلدٸ, ال الداعى جىلدارى بۇل كٶلەم 11 ميلليارد تەكشە مەترگە دەيٸن ۇلعايماق.
بۇعان دەيٸن حالىقارالىق باسىلىمدار مەسكەۋدٸڭ گاز ەكسپورتى سالاسىنداعى داعدارىسقا قاراماستان, رەسەيلٸك گازدى سولتٷستٸك قازاقستانعا جەتكٸزۋ باعىتىندا بەلسەندٸ ەرەكەت ەتٸپ جاتقانىن جازعان. مۇناي مەن گاز قورى مول باتىس ٶڭٸرلەرٸنە قاراماستان, قازاقستاننىڭ سولتٷستٸك بٶلٸگٸ ەلٸ كٷنگە دەيٸن تولىق گازبەن قامتىلماعان.
