Memleket basshysy Qasym-Jomart Toqaev Kókshetaý, Semei jáne Óskemen qalalarynda josparlanǵan úsh jylý elektr ortalyǵynyń qurylysy ýaqytynan keshigip jatqanyn málimdedi, dep habarlaidy Dalanews.kz.
Atalǵan nysandar bastapqyda Reseidiń qatysýymen júzege asyrylýy tiis bolǵan. Alaida keiin reseilik tarapta qarjylandyrý máseleleri týyndap, sonyń saldarynan Kókshetaýdaǵy JEO qurylysy ulttyq "Samuryq-Energo" kompaniiasynyń qaramaǵyna berildi.
Memleket basshysy barlyq jobalar ekologiialyq talaptarǵa sai, "taza kómir" tehnologiialaryn qoldaný arqyly júzege asýy qajet ekenin atap ótti. Prezidenttiń aitýynsha, kómir qory jetkilikti ári óndiristik áleýeti joǵary bola tura, Qazaqstan elektr energiiasy boiynsha syrtqy importqa táýeldi bolmaýy tiis.
Sonymen qatar Qasym-Jomart Toqaev elde elektr energiiasyn óz kúshimen óndirýdi damytý ulttyq qaýipsizdikti qamtamasyz etýdiń mańyzdy bóligi ekenin jetkizdi. Ol Qazaqstannyń kómir qory mol ekenin, jyl saiynǵy kómir óndirý kólemi 110 mln tonnadan asatynyn aityp, bul strategiialyq múmkindikti tiimdi paidalaný qajet ekenin atap ótti.
