Sýverendi reiting naryǵyndaǵy etalon – S&P Reseidiń uzaq merzimdi kredittik reitingin BB+ deńgeiine túsirdi. Bul investitsiialyq deńgeiden tómen, qarjygerler tilimen «mýsor» dep atalady.
Investorlar Reseidiń qaryz obligatsiialarynan tolyq ketýde, al erteńge tike kóz salatyn bolsaq, endi Reseidiń halyqaralyq qarjy, investitsiia naryǵynda eshqandai bolashaǵy joq.
Qazaqstannyń reitingi VVV–. Investitsiia úshin tartymdy, jaǵdaiy turaqty degendi bildiredi. Árine, biz AAA bola almaimyz, biraq óz aimaǵymyzda kósh bastaǵanymyzdan birneshe dividend alýǵa bolady.
Reseidiń buǵan deiin jinaqtaǵan rezervteri taýsylǵannan keiin (meniń esebimshe 2-3 jyl), biz Eýraziialyq odaq kóleminde orys gasterbaiterligimen betpe-bet kelýimiz múmkin.
Orys gasterbaiterleri birinshi kezekte Qazaqstanǵa aǵylatyn bolady. Bizdiń ekonomika oǵan daiyn ba? Qazirden bastap bolashaq orys gasterbaiterlerin tiimdi paidalaný, ásirese tehnikalyq mamandyq ielerin jańa innovatsiialyq salalar qurýǵa jumyldyrý boiynsha jospar qurý qajet.
Sonymen birge, sanktsiiadan ne isterin bilmei otyrǵan, buǵan deiin Reseide jetistikke jetken, tehnologiialary bar IT kompaniialardy óz iýrisdiktsiiamyzǵa alyp, olardy Qazaqstanǵa iri salyq tólep, bizdiń mamandarǵa jumys oryndaryn ashatyndai shuǵyl kelissózder ótkizýge bolady. Ol biýdjettiń kóptegen problemalaryn sheshedi.
Qazir, jaǵdaidy intýitivti sezinip otyrsańyz, Qazaqstanǵa kóptegen keremet múmkindikter ashyldy. Bizdi qansha májbúrlese de, Reseidi saiasi qoldap málimdeme jasaýǵa asyqpaý kerek. Úndemei ýaqyt sozǵan durys. Basty maqsat, Qazaqstandy sanktsiiadan aman alyp qalý. Batys elderi Qazaqstannyń qazirgi deoligarhizatsiia baǵytyn óte jyly qabyldap otyr, bizge degen kózqarastary jaqsy. Bul elimizge tamasha shans beredi.
