Astanada Oljas Bektenov pen Mihail Mishýstin saýda-ekonomikalyq yntymaqtastyq máselelerin talqylady, dep habarlaidy Dalanews.kz.
Qazaqstan Respýblikasynyń Premer-ministri Oljas Bektenov pen Resei Federatsiiasy Úkimetiniń tóraǵasy Mihail Mishýstin ekijaqty kelissózder júrgizdi, onyń barysynda QR Prezidenti Qasym-Jomart Toqaev pen RF Prezidenti Vladimir Pýtin arasynda ekijaqty saýda kólemin arttyrý boiynsha qol jetkizilgen ýaǵdalastyqtardy iske asyrý máseleleri talqylandy.
Eki el arasyndaǵy saýda-ekonomikalyq, ǵylymi-tehnikalyq jáne mádeni-gýmanitarlyq yntymaqtastyqty keńeitý josparlary qaraldy. Ónerkásip kooperatsiiasy, aýyl sharýashylyǵy, energetika, kólik ónerkásibi jáne basqa da salalardaǵy ózara is-qimyldy nyǵaitý jónindegi mindetterdi júzege asyrýǵa nazar aýdaryldy.
Resei – Qazaqstannyń basty saýda seriktesteriniń biri. Ótken jyldyń 11 aiynda ózara saýda kólemi $24,2 mlrd-qa jetti. Eki memleket basshylary arasyndaǵy taýar ainalymyn $30 mlrd-qa deiin jetkizý jónindegi ýaǵdalastyqtaryna qol jetkizý maqsatynda tasymaldanatyn taýarlar atalymyn keńeitý mańyzdy. Ekonomikalyq yntymaqtastyqtyń 2021-2025 jyldarǵa arnalǵan keshendi baǵdarlamasyn iske asyrýdyń oń nátijeleri atap ótilip, aldaǵy kezeńge jańartylǵan baǵdarlamany ázirleý qajettigi naqtylandy.
2024 jylǵy 10 aidyń qorytyndysy boiynsha aýyl sharýashylyǵy ónimderiniń ainalymy 5%-ǵa ósip, $3,2 mlrd-tan asty.
Ónerkásip kooperatsiiasy salasynda búgingi tańda $18,6 mlrd-qa qazaq-reseilik 99 joba iske asyryldy. Qazaqstanda jańa birlesken jobalardy júzege asyrý perspektivalary qaraldy.
Qazaqstan arqyly tranzittik tasymaldaý joǵary qarqynmen damyp keledi. Osyǵan bailanysty avtokólik jáne temirjol infraqurylymyn damytýǵa, sondai-aq sý kóligi salasynda jańa balamaly baǵyttar ashýǵa kóńil bólinýde.
«Memleket basshylary Qasym-Jomart Toqaev pen Vladimir Pýtinniń birlesken kúsh-jigeriniń arqasynda ekijaqty yntymaqtastyǵymyz sapaly jańa deńgeige kóterildi. Mańyzdy mindet – joǵary deńgeide qol jetkizilgen ýaǵdalastyqtardyń is júzinde oryndalýyn qamtamasyz etý. Qazaqstan Úkimeti tyǵyz ózara is-qimyl jasaýǵa jáne barlyq salada yntymaqtastyqty damytýǵa daiyn», — dep atap ótti Oljas Bektenov.
«Qazaqstan – bizdiń strategiialyq seriktesimiz ári odaqtasymyz. Bizdiń qarym-qatynasymyz dostyq, tatý kórshilik, ózara syilastyq jáne bir-biriniń múddelerin eskerý qaǵidattaryna negizdelgen. Vladimir Pýtinniń Qazaqstanǵa memlekettik sapary barysynda qarym-qatynastarymyzdy odan ári damytý jóninde mańyzdy ýaǵdalastyqtarǵa qol jetkizildi. Eki el úkimetteriniń mindeti — kóshbasshylarymyz qol jetkizgen kelisimderdiń múltiksiz oryndalýyn qamtamasyz etý», — dep atap ótti Mihail Mishýstin.
Kelissózder nátijesinde taraptar strategiialyq áriptestikti nyǵaitýǵa jáne barlyq baǵyt boiynsha birlesken jumysty jalǵastyrýǵa ýaǵdalasty.
