10 qazanǵa qaraǵan túni Resei Ýkrainaǵa jappai áýe soqqysyn jasady. Eldiń birneshe óńirinde dabyldy eskertý jariialandy, dep habarlaidy Dalanews.kz.
Ýkrainanyń Áýe kúshteriniń málimetinshe, reseilik kúshter kelesi qarýlardy paidalanǵan:
• 465 soqqy jasaýǵa arnalǵan Shahed, “Gerbera” jáne basqa tiptegi drondar;
• 2 aeroballistikalyq H-47M2 “Kinjal” zymyrany;
• 14 ballistikalyq “Iskander-M” zymyrany;
• 12 qanatty “Iskander-K” zymyrany;
• 4 basqarylatyn áýe zymyrany H-59/69.
10 qazan tańǵy saǵat 10:00-degi málimet boiynsha, áýe qorǵanys kúshteri 420 áýe nysanyn atyp túsirgen. Olar:
• 405 ushqyshsyz ushý apparattary (Shahed jáne basqa úlgiler);
• 1 H-47M2 «Kinjal» aeroballistikalyq zymyrany;
• 4 «Iskander-M» ballistikalyq zymyrany;
• 9 «Iskander-K» qanatty zymyrany;
• 1 H-59/69 basqarylatyn áýe zymyrany.
Ýkrainanyń 19 nysanynda 13 zymyran men 60 dronnyń týra soqqysy tirkelgen. Sonymen qatar jeti aimaqta atyp túsirilgen apparattardyń synyqtary qulaǵan.
Áýe shabýyly kezinde Resei áskeri Ýkraina energetika nysandaryna aýqymdy soqqy jasaǵan. Nátijesinde Kiev pen birneshe oblysta elektrmen jabdyqtaý júiesinde aqaýlar paida bolyp, mańyzdy infraqurylym nysandary zaqymdandy.
