10 قازانعا قاراعان ءتۇنى رەسەي ۋكرايناعا جاپپاي اۋە سوققىسىن جاسادى. ەلدىڭ بىرنەشە وڭىرىندە دابىلدى ەسكەرتۋ جاريالاندى، دەپ حابارلايدى Dalanews.kz.

ۋكراينانىڭ اۋە كۇشتەرىنىڭ مالىمەتىنشە، رەسەيلىك كۇشتەر كەلەسى قارۋلاردى پايدالانعان:

• 465 سوققى جاساۋعا ارنالعان Shahed، “گەربەرا” جانە باسقا تيپتەگى دروندار؛

• 2 اەروبالليستيكالىق ح-47م2 “كينجال” زىمىرانى؛

• 14 بالليستيكالىق “يسكاندەر-م” زىمىرانى؛

• 12 قاناتتى “يسكاندەر-ك” زىمىرانى؛

• 4 باسقارىلاتىن اۋە زىمىرانى ح-59/69.

10 قازان تاڭعى ساعات 10:00-دەگى مالىمەت بويىنشا، اۋە قورعانىس كۇشتەرى 420 اۋە نىسانىن اتىپ تۇسىرگەن. ولار:

• 405 ۇشقىشسىز ۇشۋ اپپاراتتارى (Shahed جانە باسقا ۇلگىلەر)؛

• 1 ح-47م2 «كينجال» اەروبالليستيكالىق زىمىرانى؛

• 4 «يسكاندەر-م» بالليستيكالىق زىمىرانى؛

• 9 «يسكاندەر-ك» قاناتتى زىمىرانى؛

• 1 ح-59/69 باسقارىلاتىن اۋە زىمىرانى.

ۋكراينانىڭ 19 نىسانىندا 13 زىمىران مەن 60 دروننىڭ تۋرا سوققىسى تىركەلگەن. سونىمەن قاتار جەتى ايماقتا اتىپ تۇسىرىلگەن اپپاراتتاردىڭ سىنىقتارى قۇلاعان.

اۋە شابۋىلى كەزىندە رەسەي اسكەرى ۋكراينا ەنەرگەتيكا نىساندارىنا اۋقىمدى سوققى جاساعان. ناتيجەسىندە كييەۆ پەن بىرنەشە وبلىستا ەلەكترمەن جابدىقتاۋ جۇيەسىندە اقاۋلار پايدا بولىپ، ماڭىزدى ينفراقۇرىلىم نىساندارى زاقىمداندى.