Resei áskeri qazanda soǵys bastalǵaly eń kóp tehnikasynan aiyryldy, - dep habarlaidy Dalanews.kz "Azattyqqa" siltep.
Basylym málimetinshe, bul týraly áskeri qaqtyǵystardy zertteitin Oryx jobasynan baiqaýǵa bolady. Máselen, 2023 jylǵy qazan aiymen salystyrǵanda biyl qazanda Resei berendi kólikterinen, áskeri ushaqtarynan, tikushaqtarynan jáne basqa da tehnikalarynan kóp aiyrylǵan.
Oryx dereginshe, qazanda Reseidiń joiylǵan, búlingen, maidan dalasynda qalǵan nemese Ýkraina áskeri tartyp alǵan tehnikasynyń sany 695 bolǵan. Olardyń arasynda 253 áskeri kólik, 103 tanki, 41 BTR, tórt ushaq, bir tikushaq bar. Al Ýkraina áskeri qazanda Reseimen salystyrǵanda eki ese az tehnikasynan aiyrylǵan. Mysaly, Ýkrainanyń 276 tehnikasy joiylǵan.
Olardyń qatarynda 47 BTR, 28 áskeri kólik, 21 tanki jáne bir ushaq bar. Forbes jýrnaly Reseidiń kóp tehnikasynan aiyrylǵanyn Donbasstaǵy qarqyndy shabýylmen bailanystyrady.
Forbes Resei soǵysta tehnikasy men ásker sanynyń basymdyǵyn paidalanyp, Ilinka men Ýgledardy basyp aldy dedi. Basylymnyń paiymdaýynsha, Resei dál osy eki qalany shabýyldaǵanda kóp tehnikasynan aiyrylǵan.
