Reseidiń syrtqy ister ministri Sergei Lavrov Aqtaý mańynda apatqa ushyraǵan Azerbaijan Airlines áýe kompaniiasy ushaǵynyń “qara jáshikterinen” alynǵan aqparatqa qatysty pikir bildirdi, dep habarlaidy Dalanews.kz.
Lavrovtyń aitýynsha, ushaqtaǵy jazbalarda “qyzyq málimetter” anyqtalǵan. Onyń sózinshe, keibir derekter buǵan deiin BAQ-ta taraǵan apat týraly málimdemelerdi rastamaidy. Alaida naqty qandai aqparat bar ekeni ashyp aitylmady.
— Braziliiada arnaiy kezdesý ótti, “qara jáshikter” ashyldy. Olardyń mazmuny biraz mańyzdy málimetter berdi. Tolyqqandy tergeý nátijesin kútý kerek, aqparat keńistiginde jaǵdaidy ýshyqtyrýdyń qajeti joq, – dedi Lavrov baspasóz konferentsiiasynda.
Aita keteiik, 2024 jyly 25 jeltoqsanda jergilikti ýaqyt boiynsha 11.30-da Aqtaý mańynda Bakýden Groznyiǵa ushyp bara jatqan ushaq apatqa ushyrady. Bul - Azerbaijan Airlines áýekompaniiasyna tiesili Embraer 190 ushaǵy.
Aqparat boiynsha ushaq bortynda 67 adam, onyń ishinde 5 ekipaj múshesi bolǵan.
Apattan 6 qazaqstandyq kóz jumdy. Jalpy qaza tapqandar sany — 38. Qaiǵyly oqiǵadan 29 adam aman qaldy.
Qaiǵyly oqiǵadan keiin Ázerbaijanda Jalpyulttyq aza tutý kúni jariialandy. Túste búkil el boiynsha memlekettik týlar túsirilip, kólikter toqtady. Ázerbaijandyqtar qaza tapqandardy bir minýt únsizdikpen eske aldy.
Keiinirek Chikago konventsiiasynyń 13-qosymshasyna sáikes Qazaqstan Ázerbaijan men Reseidiń aviatsiialyq organdarymen aqyldasqan soń, QR Kólik ministri Marat Qarabaev basqaratyn komissiia Embraer ushaǵynyń qara jáshigin Braziliiadaǵy CENIPA ortalyǵyna jiberý týraly sheshim qabyldady.
