31 shildege qaraǵan túni Reseidiń Volgograd qalasyndaǵy Wildberries kompaniiasynyń taǵy bir logistikalyq ortalyǵy dron shabýylyna ushyrady, dep habarlaidy dalanews.kz.
Kompaniianyń baspasóz qyzmetiniń málimetinshe, shabýyl saldarynan qoima aýmaǵynda órt shyqqan.
«Volgogradtaǵy kompaniianyń logistikalyq nysanyna jasalǵan shabýyldan keiin órt tutandy. Qazir oqiǵa ornynda órt sóndirýshiler jumys istep jatyr. Aldyn ala málimet boiynsha, zardap shekkender joq», – delingen habarlamada.
Budan bólek, shabýylǵa «Lýkoil-Volgogradneftepererabotka» munai óńdeý zaýyty da ushyraǵan. Bul kásiporyn jylyna 14,8 million tonnaǵa deiin munai óńdeýge qaýqarly.
Aita keteiik, atalǵan zaýytqa mamyr aiynyń sońynda da drondar shabýyl jasap, sodan keiin kásiporyn jumysyn ýaqytsha toqtatqan bolatyn.
Sońǵy aptalarda Reseidegi Wildberries logistikalyq ortalyqtary birneshe márte dron shabýyldarynyń nysanasyna ainalyp otyr. Buǵan deiin Tambov oblysyndaǵy Kotovsk qalasy, Máskeý oblysyndaǵy Elektrostal jáne ózge de qoimalarǵa soqqy jasalǵan edi.
