Ýkraina prezidenti Vladimir Zelenskii sońǵy aptalarda Resei onyń ushaǵyna Moldova aýmaǵy arqyly ushyp bara jatqan kezde drondarmen eki ret shabýyl jasaýǵa árekettengenin málimdedi, dep habarlaidy dalanews.kz.
Bul týraly Ýkraina prezidenti CBS News arnasyna bergen suhbatynda aitty.
Zelenskiidiń sózinshe, ol mingen ushaq Moldova áýe keńistiginde bolǵan kezde reseilik drondar osy eldiń aýmaǵyna baǵyttalǵan.
"Moldovada meniń prezidenttik ushaǵym boldy, sondyqtan olar Moldovaǵa shabýyl jasady. Biz úige qaityp kele jatqanda, qaitadan Kishinev arqyly ushtyq, sol kezde de dál osyndai jaǵdai qaitalandy", – dedi ol.
Buǵan deiin Norvegiia premer-ministri Ionas Gar Store Zelenskii Osloǵa saparmen ushyp bara jatqan kezde onyń ushaǵy Moldova áýe keńistiginde dronnyń shabýylyna ushyrai jazdaǵanyn málimdegen.
Zelenskii CBS News-ke bergen suhbatynda birneshe kúnnen keiin Ýkrainaǵa qaitar jolda Moldova áýe keńistigine taǵy bir nemese eki dron kirgenin aitqan. Buǵan deiin bul oqiǵa týraly aqparat jariialanbaǵan.
Ýkraina prezidentiniń pikirinshe, bul áreketter ony jáne basqa da sheteldik kóshbasshylardy qorqytýǵa baǵyttalǵan Resei strategiiasynyń bir bóligi bolǵan.
