Resei Baiqońyr men áskeri poligondardy jalǵa alǵany úshin Qazaqstanǵa 65 mlrd teńgege jýyq tóleidi, dep habarlaidy dalanews.kz.
2027 jyly Qazaqstan Reseiden Baiqońyr ǵarysh ailaǵy men áskeri poligondardy jalǵa bergeni úshin shamamen 64,8 mlrd teńge kóleminde tólem alýdy josparlap otyr. Mundai soma 2027–2029 jyldarǵa arnalǵan respýblikalyq biýdjet jobasynda kórsetilgen. Qujat «Ashyq NQA» portalynda jariialandy.
Josparlanǵan tólemniń basym bóligi Baiqońyr keshenine tiesili. Resei bul nysandy paidalaný úshin Qazaqstanǵa 55,2 mlrd teńge tóleýi tiis. Al Qazaqstan aýmaǵyndaǵy áskeri poligondardy jalǵa alǵany úshin taǵy 9,6 mlrd teńge aýdarý kózdelgen.
Osylaisha, Baiqońyr kesheni men áskeri nysandardy jalǵa berý respýblikalyq biýdjetke túsetin turaqty kiris kózderiniń biri bolyp qala beredi.
