Resei Federatsiiasy Keńesiniń halyqaralyq ister jónindegi komitetiniń tóraǵasy Grigorii Karasin Máskeý men Vashington arasyndaǵy Ýkrainaǵa qatysty bailanystar jaqyn ýaqytta qaita jandanýy múmkin ekenin aitty, dep habarlaidy dalanews.kz.
Ol «Izvestiia» basylymyna bergen suhbatynda Resei AQSh prezidentiniń arnaiy ókilderi Stiv Ýitkoff pen Djared Kýshnerdi qabyldaýǵa daiyn ekenin jáne olardyń saparyna eshqandai kedergi kórmeitinin málimdedi.
Karasinniń sózinshe, yqtimal kezdesýdiń basty taqyryby Kievtiń Vashingtonǵa joldaǵan jańa usynystary bolýy múmkin. Alaida amerikalyq kelissóz júrgizýshilerdiń Reseige naqty qashan keletini ázirge kelisilmegen.
Sonymen qatar AQSh-tyń Máskeýdegi elshiligi bul saparǵa qatysty qandai da bir aqparattyń joq ekenin habarlaǵan.
«Eger ekinshi tarap naqty nátijege qol jetkizýge shynaiy qyzyǵýshylyq tanytsa, Resei árqashan talqylaýǵa daiyn. Biz kezdesýler men kelissózderge árdaiym ashyqpyz. Bul Kýshner men Ýitkoffqa da qatysty. Zelenskii qandai usynys engizdi nemese engizbedi degenge qaramastan, mundai kezdesýdi ótkizýge eshqandai kedergi kórip turǵan joqpyn», – dedi Karasin.
Onyń aitýynsha, Máskeý Ýkraina máselesin talqylaý boiynsha jańa kelissózder ótkizý múmkindigin joqqa shyǵarmaidy jáne amerikalyq tarappen dialogty jalǵastyrýǵa ázir.
