Túrkistan oblysynda tańǵy 07:00-den bastap 17 aýdan-qala boiynsha 945 referendým ýchaskesi óz jumysyn bastady, dep habarlaidy Dalanews.kz.
Búgingi tańda oblysta 1 mln 180 myńnan astam daýys berýshi bar. QR Ortalyq referendým komissiiasynan 13 respýblikalyq qoǵamdyq birlestik, Túrkistan oblystyq aýmaqtyq referendým komissiiasynan 32 qoǵamdyq birlestik akkreditatsiiadan ótken.
Barlyq 945 referendým ýchaskesinde 6 433 baiqaýshy men 20 mobildi kapitan jumys isteýde. Sondai-aq, 167 aýyldyq eldi mekende turǵyndardy tekserý úshin jyljymaly meditsinalyq pýnktter jumys istep tur. Daýys berýge alǵashqy kelgenderge arnaiy syilyqtar tabys etiledi.
Daýys berý - azamattardyń turǵylyqty jeri boiynsha referendým ýchaskelerinde ótedi. Ýchaskeler 07:00-den 20:00-ge deiin ashyq bolady. Azamattar jeke kýáligin ne tólqujatyn kórsetý arqyly daýys bere alady. Aita keteiik, búgin oblys boiynsha qoǵamdyq kólikter tegin qatynaidy.
