Oǵan sáikes, LHR men DHR dep ózin-ózi jariialaǵan memleketterdiń jáne Zaporoje men Herson oblystarynyń áskeri ákimshilikteriniń Reseige qosylý týraly referendýmdar ótkizýine qatysty máselede Qazaqstan memleketterdiń aýmaqtyq tutastyǵy, olardyń egemendik teńdigi jáne beibit qatar ómir súrý qaǵidattaryn negizge alady.
"Prezidentimiz birneshe ret, onyń ishinde BUU minberinen jaqynda ǵana sóilegen sózinde osy dúniejúzilik ámbebap uiymnyń Jarǵysyna negizdelgen halyqaralyq quqyq qaǵidatyn buljytpai saqtaýdyń mańyzdylyǵy týraly málimdedi. Jarǵyda BUU-ǵa múshe elderdiń beibitshilik pen memleketterdiń aýmaqtyq tutastyǵyn saqtaý jaýapkershiligi týraly aitylady", – delingen túsiniktemede.
Qazaqstan saiasi dialog ornatý úshin jan-jaqty qoldaý kórsetýge daiyn ekenimizdi taǵy da rastaidy. Bul rette Qazaqstan turaqtylyqty óńirlik ári jahandyq deńgeide saqtaýdy asa mańyzdy mindet sanaidy.
