Kentaý qalasy Hantaǵy aýylyndaǵy №60 daýys berý ýchaskesinde Otan aldyndaǵy boryshyn ótep kelgen, kópbalaly otbasydan shyqqan Kenjebek Baıtýǵan óz tańdaýyn jasady.
Almaty qalasynda №61993 áskerı bóliminiń desanttyq shabýyldaý áskerinde boryshyn ótep kelgen jigit saıası naýqanda óz tańdaýynyń el erteńi úshin mańyzdy ekenin tilge tıek etti.
Qazaqstan Respýblıkasynyń Prezıdenti Qasym-Jomart Toqaevtyń 2024 jylǵy 2 qyrkúıektegi № 636 Jarlyǵyna sáıkes, búgin elimizdiń barlyq óńirlerinde referendým ótip jatyr. Jalpy Kentaý qalasy boıynsha 35 daýys berý ýchaskelerinde 56 405 daýys berýshi tirkelgen.
