Britandyq zańgerlerge QR Prezidenti Qasym-Jomart Toqaevtyń úsitimizdegi jyldyń 16 naýryzdaǵy Qazaqstan halqyna Joldaýynda aitqan saiasi reformalardyń barysy týraly aqparat usynylǵan. Onyń bir bóligi – aýqymdy konstitýtsiialyq reformalar.
Konstitýtsiiaǵa usynylǵan túzetýler paketinde prezidenttiń shekten tys ókilettiligin shekteý, parlamentti kúsheitýge, sailaý protsesin jańǵyrtýǵa, partiialyq qyzmet pen jergilikti basqarý isin jetildirý, azamattardyń irgeli quqyqtaryn qorǵaý, sonymen qatar azamattyq qoǵam institýttary men buqaralyq aqparat quraldarynyń rólin nyǵaitýǵa baǵyttalǵan usynystar kópshiliktiń kókeiinde júrgen máseleler edi.
Britandyq sarapshy-quqyqtanýshylar Jańa Qazaqstandy qurýǵa baǵyttalǵan reformalardy oń baǵalap, olardy tabysty iske asyrǵan sátte Qazaqstan jańǵyrýdyń jańa deńgeiine kóteriletinin atap ótti.
– Biz Qazaqstandaǵy reformalardy jáne aldaǵy referendýmdi qoldaimyz. Referendým nátijeleriniń el ómirine oń áser etip, Qazaqstannyń daýmyn qamtamasyz etetine senimdimiz, – dep atap ótti koroldik advokat jáne Advokattar qaýymdastyǵynyń tóraiymy Felisiti Kallen.
Alqabiler soty týraly másele boiynsha ol mundai tájiribe kóptegen ǵasyrlar boiy aǵylshyn jalpy quqyq júiesinde bolǵanyn aita kele, «Bizdiń oiymyzsha, alqabiler neǵurlym kóp isti qarastyrsa, soǵurlym jaqsy bolady. Bul novella Qazaqstanda engizilgenine qýanyshtymyz jáne jańa júiedegi progressti qadaǵalaityn bolamyz» dedi. Ol sondai-aq, sot protsesterin onlain-transliatsiialaý ashyqtyqqa jáne azamattardyń sot júiesine degen senimin ulǵaitatytyn atap ótti.
