Almatyǵa álemniń eń ataqty fýtbol klýbtarynyń biri - «Real Madrid» keldi. Bul sapar qala úshin tarihi oqiǵaǵa ainaldy,- dep habarlaidy Dalanews.kz
Ortalyq stadion madridtik komandany qabyldaýǵa daiyn: alań halyqaralyq standarttarǵa sai, jaryq berý júiesi men infraqurylym tekserildi. Tóreshiler men oiynshylarǵa barlyq jaǵdai jasalǵan, kiim aýystyratyn bólmeler jabdyqtalyp, sportshylardyń jailylyǵy úshin qajetti nárselermen qamtamasyz etilgen.
Stadionnyń ishki bezendirilýine erekshe kóńil bólindi: tribýnalar jańartyldy, Almaty qalasynyń aidentikasy men stadion sáýletine sai jańa kórkem sýretter jasaldy. Kórermenderge yńǵaily bolý úshin 1,5 myńnan astam oryndyq aýystyryldy, sanitarlyq toraptar jańartylyp, qosymsha 60 biodárethana ornatyldy.
Match kezinde qoǵamdyq tártip pen qaýipsizdikti qamtamasyz etýge Almaty qalasy Politsiia departamentiniń 2 382 qyzmetkeri jumyldyrylady. Baqylaý-ótkizý beketterine metall detektorlar men qol skanerleri qoiyldy. Stadion aýmaǵynda jedel járdem kólikteri men órt sóndirý brigadalary kezekshilik etedi, evakýatsiia josparlary men dabyl berý júiesi tekserildi.
Match aiaqtalǵan soń jankúierlerdiń úilerine jaily jetýi úshin 60 avtobýs uiymdastyrylady. Olar Abai, Sátbaev jáne Baitursynuly kóshelerimen qozǵalyp, alty baǵytta qatynaidy:
* Ortalyq stadion – «Almaty Arena» – batys baǵyty;
* Ortalyq stadion – Raiymbek/Alataý – batys baǵyty;
* Ortalyq stadion – Almaty-1 temirjol vokzaly;
* Ortalyq stadion – Orbita shaǵynaýdany;
* Ortalyq stadion – Juldyz shaǵynaýdany – shyǵys baǵyty;
* Ortalyq stadion – Áýejai – shyǵys baǵyty.
