Álemniń súiikti alkogolsiz sýsyny Túrkistan oblysynda da shyǵarylady. Túlkibas aýdanyndaǵy RC Sola ataýymen alýan túrli aýyz sý jáne hosh iisi bar sýsyndar shyǵaratyn «Beibarys Bottlers» JShS-i biyl iske qosylady dep josparlanýda, dep habarlaidy Dalanews.kz. Túrkistan oblysy ákiminiń baspasóz qyzmetine silteme jasap.
Jańa zaýyt zamanaýi óndiriste qoldanylatyn kóp satyly sý tazartý júiesi sýdyń minsiz sapasyna kepildik beredi. Sý zaýyt aýmaǵynda ornalasqan tereńdigi 170 metr uńǵymalardan alynady. Italiandyq tehnologiiamen tazartylady. Sý sapasyna AQSh jáne Italiianyń ataqty zerthanalarynyń sapa qorytyndysy berilgen.
Jańa jobanyń jalpy quny – 7 mlrd 600 mln teńge. Zaýyt sońǵy úlgidegi nemis tehnologiiasymen jabdyqtalýda. JShS-inde 100-ge jýyq jańa jumys orny ashylady dep kútilýde.
Aýdanǵa issaparmen barǵan Túrkistan oblysynyń ákimi Darhan Satybaldy zaýyt basshylyǵymen jáne jaýapty sala jetekshilerimen kezdesip, óndiristik injenerlik infraqurylymmen qamtý boiynsha
jumys barysyn talqylady. Jumystardy shiratýdy tapsyrdy.
Atap aitqanda, elektr jelisi jáne gaz qubyry 2021 – 2025 jyldarǵa arnalǵan kásipkerlikti damytý jónindegi ulttyq jobasy aiasynda júzege asýda. Sonymen qatar káriz júiesi men ony tazartý qondyrǵysynyń jobasy iske asyp jatyr.
