Qazaqstandyq RBK banki 262,6 mlrd teńge (shamamen 615 mln dollar) qarajatty “EBF Investment” JShS-ten “Skybridge Invest” AQ-qa aýdarǵany úshin 182 574 teńge ákimshilik aiyppul tóledi, dep habarlaidy Dalanews.kz.
Hronika.kz málimetinshe, tekserý barysynda bank osy operatsiialar týraly qarjy monitoringi agenttigine habarlama jibermegeni anyqtaldy. Aita keteiik, “EBF Investment” kompaniiasy buryn “Elbasy qory” men “Nursultan Nazarbaev qory” ieliginde bolǵan.
Buǵan deiin RBK banki basqa tutynýshylary arqyly da transshekaralyq operatsiialardy júrgizgen, biraq kólemi "EBF Investment"-tiń qarajatyna qaraǵanda az bolǵan. Mamandardyń aitýynsha, bank tek formaldy qadaǵalaý erejelerin oryndamaǵany úshin aiyppul tólegen, al qarajat zańsyz jolmen alynbaǵan.
Aita keteiik, RBK banki buǵan deiin de banktik zańnamany buzý boiynsha birneshe ret ákimshilik jaýapqa tartylǵan.
