Búgin Raiymbek Seitmetov atyndaǵy Túrkistan qalasynyń sazdy-drama teatrynda jańa qoiylymnyń tusaýy kesildi. Premerany tamashalaýǵa oblys ákiminiń orynbasary Ertai Altaev pen oblystyq mádeniet basqarmasynyń basshysy Ázimhan Qoilybaev, ziialy qaýym ókilderi jáne qala turǵyndary men qonaqtary tamashalady, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
«Jan pida» qoiylymyn «Qurmet» ordeniniń iegeri, Mahambet atyndaǵy syilyqtyń laýreaty, Atyraý jastar teatrynyń kórkemdik jetekshisi Muqanǵali Tomanovtyń sahnalaǵan.
Rejisserdiń aitýynsha qoiylymnyń basty maqsaty ár adamdy tabiǵat álemin saqtaýdy búginnen bastap qolǵa alýǵa jáne jer betindegi barlyq tirshilik úshin tek ózi ǵana jaýapty ekendigin esinen shyǵarmai, osy paryzyn oryndaýǵa mindetteidi.
Rýhani álemi men mádeni ómiri taiaqtyń eki ushyndai egiz jaratylǵan qazaq-qyrǵyz halyqtarynyń sabaqtastyǵyn nyǵaita túskendei XX ǵasyrdyń orta sheninde «Adamzattyń Shyńǵysy» atanǵan – jazýshy, qoǵam jáne memleket qairatkeri, Qyrǵyzstannyń halyq jazýshysy Aitmatovtyń «Jan pida» romany ádebiet kóginde erekshe qubylys bop boi kóterdi. Shyǵarmada Shyńǵystyń stil jańǵyryǵy aldymen tabiǵat pen adam balasynyń araqatynasynan baiqalady.
«Aqyl iesi» dep atalatyn adam men jabaiy, oilaý júiesi tómen dep baǵalanatyn ań-qus, jan-janýardyń ara salmaǵy avtorlyq tarazyǵa túsedi. Romanda adam men tabiǵat arasyndaǵy qatynas Aqqurtqa men Tasshainardy tóńirektep sýretteledi. Moiynqum dalasynan japa shegip, Ala-Móńgi baýraiyna aýyp kelgen kirme qasqyrlar bul mańnan da opa tappady. Qiianat qiiannan kelgen joq, adamnyń izi qalai paida boldy, sol mańda zulymdyq shirkin saltanat qura bastady. Osy arqyly avtor adamnyń tabiǵatqa jasaityn jaýyzdyǵy men zor qiianatshyldyǵyn áshkerelegendei bolady.
Qoiylymda jabaiy túz taǵysy men órkenietti dáýirdegi adamzattyń oilaý júiesi, meiirim-shapaǵaty qos tizginge qatar jegiledi. Kórermen misyz maqulyqtar buzbaǵan tabiǵat zańdylyǵyn eki aiaqty, jumyr basty pendeniń ashtyqtan emes, toqtyqtan, adami qundylyqtardyń quldyrap, tómenshik tartqanynan buzyp otyrǵanyna kóz jetkizdi.
Rejisser Muqanǵali Tomanov atalǵan teatrda buǵan deiin «Bolmaǵan oqiǵa», «Jalǵyzdyq» qoiylymdaryn sahnalaǵan bolatyn. Basty rólderdi Aiaz Iliasov, Sháken Amanturov, Gúlzada Aitbaeva, Nurjan Iztaev, Kámshat Áshtekova, Baǵlan Tólendiev, Jasulan Turǵanbaev, Jadyra Seidahmetova syndy teatrdyń beldi ártisteri men kópshilik sahnany bir top shyǵarmashylyq top somdady.
«Jan pida» spektaklin qoiýǵa kóptegen tájiribeli mamandar atsalysty. Jaryq jónindegi sýretshisi – Janbolat Rsimbetov, qoiýshy sýretshi – Qanat Sheriev, kompozitory – Qanat Jumabaev, kostiým jónindegi sýretshi – Merýert Seisembekova, grim boiynsha sýretshi – Qarlyǵash Saparhanova. Teatrdyń kórkemdik jetekshisi – Aidar Naýryzbaev.
