Elordadaǵy joǵary oqý oryndarynyń biriniń qyzmetkeri 18 talapkerdi oqýǵa túsiremin dep aldap, bas bostandyǵynan aiyryldy, dep habarlaidy dalanews.kz.
Tergeý málimetinshe, sottalǵan azamat jalǵan mórler men jalǵan qujattardy paidalanyp, talapkerlerdi qabyldaý tártibinen tys ýniversitetke túsirip beremin dep sendirgen. Ol árbir talapkerden 600 myńnan 900 myń teńgege deiin aqsha alǵan.
Sotta memlekettik aiyptaýshy aiyptalýshynyń qyzmettik jaǵdaiyn paidalanyp, birneshe ret alaiaqtyq jasaǵanyn, sondai-aq jalǵan qujattar men mórler daiyndaǵanyn dáleldedi.
Sot úkimimen kináli adam 3 jyl 6 ai merzimge bas bostandyǵynan aiyryldy. Úkim zańdy kúshine endi.
Qylmystyq áreketten kelgen materialdyq shyǵyn sottalǵan azamattan óndirildi.
Astana qalasynyń prokýratýrasy azamattardy qyraǵylyq tanytyp, joǵary oqý oryndaryna túsý máselesinde tek resmi aqparat kózderine súienýge shaqyrdy.
