Aqmola oblysy Tselinograd aýdanyndaǵy Qajymuqan aýylynda qoqysty kez kelgen jerge tastaityn turǵyndarǵa qarsy kúres kúsheitildi. Aýyl ákimi zań buzǵandardy anyqtaý úshin qoqys paketteriniń ishinen tabylǵan túbirtekter men ózge de aiǵaqtardy paidalanyp jatqanyn aitty, dep habarlaidy dalanews.kz "KTK" arnasyna siltep.
Bul tásil óz nátijesin berip otyr. Bul jumysqa politsiia qyzmetkerleri de kómektesedi. Osylaisha bos jatqan aýmaqtarǵa jáne ózgeniń qorshaýynyń mańyna qoqys tastaǵan úsh adam kim ekeni belgili bolǵan.
Olarmen túsindirý jumystary júrgizilip, ákimshilik hattamalar toltyrylǵan. Aýyl turǵyndary da ruqsat etilmegen qoqys úiindisi kóbeigenine alańdap, bul bastamany qoldap otyr.
"Bizdiń basty maqsatymyz adamdardy jazalaý emes. Aýyl turǵyndarynyń tazalyqqa degen jaýapkershiligin arttyryp, mádenietin qalyptastyrǵymyz keledi. Bul jumysty aldaǵy ýaqytta da jalǵastyramyz", - dedi Qajymuqan aýylynyń ákimi Alpamys Ábenov.
