«Interfaks» Máskeýdegi meditsinalyq mekelerdegi derekkózge silteme jasaǵan. «Qadyrov koronavirýs juqtyrýy múmkin, ony dárigerler qarap júr» dep jazdy agenttik.
«Baza» málimeti boiynsha, Qadyrovtyń ókpesi zaqymdanǵan. Ol tumaýratyp qalǵanyn aitqan, biraq sońǵy kúnderi jaǵdaiy kúrt nasharlaǵan.
Sheshenstanda koronavirýs epidemiiasyna bailanysty qatań karantin jariialanǵan. Respýblikada komendant saǵaty engizilgen, qoǵamdyq kólik toqtaǵan, Reseidiń basqa da oblystarynyń turǵyndaryna respýblika aýmaǵyna kirýge tyiym salynǵan. Koronavirýspen kúres jónindegi shuǵyl shtabtyń habarlaýynsha, Sheshenstanda bir myńnan astam adam virýstyń jańa túrin juqtyrǵan.
Bunyń aldynda Qadyrov Gýdermestegi aýrýhana qyzmetkerlerin jumystan shyǵarýdy talap etti, óitkeni dárigerler koronavirýs juqtyrǵan naýqastardy emdeý úshin qorǵanys zattary jetpei jatqanyna shaǵymdanǵan. «Bizde barlyǵy bar. Tipti, biz basqa aimaqtarǵa kómektese alamyz» dep málimdegen Sheshenstan basshysy.
