«ينتەرفاكس» ماسكەۋدەگى مەديسينالىق مەكەلەردەگى دەرەككوزگە سىلتەمە جاساعان. «قادىروۆ كوروناۆيرۋس جۇقتىرۋى مۇمكىن، ونى دارىگەرلەر قاراپ ءجۇر» دەپ جازدى اگەنتتىك.
«بازا» مالىمەتى بويىنشا، قادىروۆتىڭ وكپەسى زاقىمدانعان. ول تۇماۋراتىپ قالعانىن ايتقان، ءبىراق سوڭعى كۇندەرى جاعدايى كۇرت ناشارلاعان.
شەشەنستاندا كوروناۆيرۋس ەپيدەمياسىنا بايلانىستى قاتاڭ كارانتين جاريالانعان. رەسپۋبليكادا كومەندانت ساعاتى ەنگىزىلگەن، قوعامدىق كولىك توقتاعان، رەسەيدىڭ باسقا دا وبلىستارىنىڭ تۇرعىندارىنا رەسپۋبليكا اۋماعىنا كىرۋگە تىيىم سالىنعان. كوروناۆيرۋسپەن كۇرەس جونىندەگى شۇعىل شتابتىڭ حابارلاۋىنشا، شەشەنستاندا ءبىر مىڭنان استام ادام ۆيرۋستىڭ جاڭا ءتۇرىن جۇقتىرعان.
بۇنىڭ الدىندا قادىروۆ گۋدەرمەستەگى اۋرۋحانا قىزمەتكەرلەرىن جۇمىستان شىعارۋدى تالاپ ەتتى، ويتكەنى دارىگەرلەر كوروناۆيرۋس جۇقتىرعان ناۋقاستاردى ەمدەۋ ءۇشىن قورعانىس زاتتارى جەتپەي جاتقانىنا شاعىمدانعان. «بىزدە بارلىعى بار. ءتىپتى، ءبىز باسقا ايماقتارعا كومەكتەسە الامىز» دەپ مالىمدەگەن شەشەنستان باسشىسى.
