Búgin Qyzylordada Syrdariia ózeni arqyly ótetin jaiaý júrginshiler kópiriniń kapsýlasyn salý rásimi ótti. Oǵan oblys ákimi Murat Ergeshbaev, ziialy qaýym ókilderi men el aǵalary qatysty, dep habarlaidy dalanews.kz.
Sharada aimaq basshysy Syr eliniń bas shaharynyń damýyna serpin beretin jobalarǵa toqtaldy. Sonyń biri – Syrdariia ózeni arqyly ótetin jaiaý júrginshiler kópiriniń qurylysy. «Astana» shaǵyn aýdany men Prezident saiabaǵyn jalǵaityn, qalamyzdyń jańa sáýlettik kelbetin aishyqtaityn mańyzdy infraqurylymdyq joba Nurlybek Mashbekulynyń bastamasy bolatyn.
«Jańa kópir qurylysyn tájiribesi mol «Álem Qurylys» kompaniiasy júrgizedi. Uzyndyǵy – 319,4 metr, eni – 12 metr, jalpy quny 13 mlrd teńgege jýyqtaidy. Eni 3 metr jaiaý júrginshiler joly jáne kópir boiynda árqaisysynyń eni bir jarym metr bolatyn eki velojolaq salynady.
Biyl Qyzylorda qalasynyń jol-kólik infraqurylymyn damytý úshin 38 mlrd. teńgeniń 23 jobasy iske asyrylýda, 71 kóshe kúrdeli jóndeýden, qaita jańǵyrtýdan ótip jatyr. Máselen, «Báiterek» turǵyn aýdanyndaǵy ońtústik magistraldy kanal arqyly ótetin jańa kópir qurylysy tolyq bitkende, kólik qatynasy retteledi. Toraiǵyrov kóshesinen «Qyzylorda-Qumkól» avtojolyna deiingi Saǵymbaev kóshesindegi qaita jańǵyrtý jumystary da aiaqtalýǵa jaqyn. Osylaisha, jańa kópir men jańartylǵan Saǵymbaev kóshesi «Batys Eýropa-Batys Qytai» halyqaralyq dálizi men Astana qalasynan keletin joldy túiistiretin úlken ári zamanaýi qaqpaǵa ainalady.
Budan bólek, Nazarbaev dańǵyly men negizgi kósheler qaita jańǵyrtyldy. Tasbóget kentindegi Imanov, Bozǵul-1, Naýryz, Esenov kósheleri keńeidi.Bul igilikter Prezidentimiz ben Úkimettiń qoldaýynyń arqasynda júzege asýda. Barshańyzdyń el damýy, turǵyndarymyzdyń jaily turmysy men óskeleń urpaqtyń jarqyn bolashaǵy jolyndaǵy óreli jumystaryńyzǵa sáttilik tileimin!», – dedi Murat Nálqojauly.
Sharada oblystyq ardagerler keńesiniń tóraǵasy Serik Dúisenbaev sóz sóilep, qurylystyń kapsýlasy salyndy.
Búginde óńirdi damytýdaǵy ilkimdi ister júieli júzege asyrylýda.
Memleket basshysynyń «Taza Qazaqstan» baǵdarlamasy aiasynda Prezident saiabaǵy jańa keiipke endi. Osy aýmaqqa kelýshilerdiń qaýipsizdigi men jailylyǵy úshin avtojol jáne avtoturaq salyndy.
Syrdariia ózeniniń qorǵanys bógetterin nyǵaitý jumystary da qarqyn aldy. Dariia jaǵalaýyna eki jolaqty jaiaý júrginshi jáne velosiped joldary túsýde.
Budan bólek, jyl boiy úzdiksiz qyzmet kórsetetin «Ai-Kerim» oqý-saýyqtyrý ortalyǵy ashylyp, jerlesterimizdiń qýanyshy eselendi. Lager janynan Botanikalyq baq paidalanýǵa berildi. Baq jasyl jelektiń biregei túrleri ósetin, ekologiialyq mádeniettiń, bilim berýdiń jáne ishki týrizmniń damýyna qyzmet etetin, aimaq turǵyndary men qonaqtary jii bas qosatyn orynǵa ainaldy.
Saiabaqty jalǵaityn toǵyz qabatty 15 turǵyn úi kesheni jaqyn arada paidalanýǵa beriledi. Turǵyn úi kesheniniń janynan bes juldyzdy jáne «Ibis» qonaq úileri, 200 oryndyq perinataldyq ortalyq boi kóterip keledi.
Memleket basshysynyń tapsyrmasyna sáikes Prezidenttik kitaphana men drama teatrdyń irgetasy qalanyp, qurylysy júrgizilýde.
