بٷگٸن قىزىلوردادا سىردارييا ٶزەنٸ ارقىلى ٶتەتٸن جاياۋ جٷرگٸنشٸلەر كٶپٸرٸنٸڭ كاپسۋلاسىن سالۋ رەسٸمٸ ٶتتٸ. وعان وبلىس ەكٸمٸ مۇرات ەرگەشباەۆ, زييالى قاۋىم ٶكٸلدەرٸ مەن ەل اعالارى قاتىستى, دەپ حابارلايدى dalanews.kz.
شارادا ايماق باسشىسى سىر ەلٸنٸڭ باس شاھارىنىڭ دامۋىنا سەرپٸن بەرەتٸن جوبالارعا توقتالدى. سونىڭ بٸرٸ – سىردارييا ٶزەنٸ ارقىلى ٶتەتٸن جاياۋ جٷرگٸنشٸلەر كٶپٸرٸنٸڭ قۇرىلىسى. «استانا» شاعىن اۋدانى مەن پرەزيدەنت ساياباعىن جالعايتىن, قالامىزدىڭ جاڭا سەۋلەتتٸك كەلبەتٸن ايشىقتايتىن ماڭىزدى ينفراقۇرىلىمدىق جوبا نۇرلىبەك ماشبەكۇلىنىڭ باستاماسى بولاتىن.
«جاڭا كٶپٸر قۇرىلىسىن تەجٸريبەسٸ مول «ەلەم قۇرىلىس» كومپانيياسى جٷرگٸزەدٸ. ۇزىندىعى – 319,4 مەتر, ەنٸ – 12 مەتر, جالپى قۇنى 13 ملرد تەڭگەگە جۋىقتايدى. ەنٸ 3 مەتر جاياۋ جٷرگٸنشٸلەر جولى جەنە كٶپٸر بويىندا ەرقايسىسىنىڭ ەنٸ بٸر جارىم مەتر بولاتىن ەكٸ ۆەلوجولاق سالىنادى.
بيىل قىزىلوردا قالاسىنىڭ جول-كٶلٸك ينفراقۇرىلىمىن دامىتۋ ٷشٸن 38 ملرد. تەڭگەنٸڭ 23 جوباسى ٸسكە اسىرىلۋدا, 71 كٶشە كٷردەلٸ جٶندەۋدەن, قايتا جاڭعىرتۋدان ٶتٸپ جاتىر. مەسەلەن, «بەيتەرەك» تۇرعىن اۋدانىنداعى وڭتٷستٸك ماگيسترالدى كانال ارقىلى ٶتەتٸن جاڭا كٶپٸر قۇرىلىسى تولىق بٸتكەندە, كٶلٸك قاتىناسى رەتتەلەدٸ. تورايعىروۆ كٶشەسٸنەن «قىزىلوردا-قۇمكٶل» اۆتوجولىنا دەيٸنگٸ ساعىمباەۆ كٶشەسٸندەگٸ قايتا جاڭعىرتۋ جۇمىستارى دا اياقتالۋعا جاقىن. وسىلايشا, جاڭا كٶپٸر مەن جاڭارتىلعان ساعىمباەۆ كٶشەسٸ «باتىس ەۋروپا-باتىس قىتاي» حالىقارالىق دەلٸزٸ مەن استانا قالاسىنان كەلەتٸن جولدى تٷيٸستٸرەتٸن ٷلكەن ەرٸ زاماناۋي قاقپاعا اينالادى.
بۇدان بٶلەك, نازارباەۆ داڭعىلى مەن نەگٸزگٸ كٶشەلەر قايتا جاڭعىرتىلدى. تاسبٶگەت كەنتٸندەگٸ يمانوۆ, بوزعۇل-1, ناۋرىز, ەسەنوۆ كٶشەلەرٸ كەڭەيدٸ.بۇل يگٸلٸكتەر پرەزيدەنتٸمٸز بەن ٷكٸمەتتٸڭ قولداۋىنىڭ ارقاسىندا جٷزەگە اسۋدا. بارشاڭىزدىڭ ەل دامۋى, تۇرعىندارىمىزدىڭ جايلى تۇرمىسى مەن ٶسكەلەڭ ۇرپاقتىڭ جارقىن بولاشاعى جولىنداعى ٶرەلٸ جۇمىستارىڭىزعا سەتتٸلٸك تٸلەيمٸن!», – دەدٸ مۇرات نەلقوجاۇلى.
شارادا وبلىستىق ارداگەرلەر كەڭەسٸنٸڭ تٶراعاسى سەرٸك دٷيسەنباەۆ سٶز سٶيلەپ, قۇرىلىستىڭ كاپسۋلاسى سالىندى.
بٷگٸندە ٶڭٸردٸ دامىتۋداعى ٸلكٸمدٸ ٸستەر جٷيەلٸ جٷزەگە اسىرىلۋدا.
مەملەكەت باسشىسىنىڭ «تازا قازاقستان» باعدارلاماسى اياسىندا پرەزيدەنت ساياباعى جاڭا كەيٸپكە ەندٸ. وسى اۋماققا كەلۋشٸلەردٸڭ قاۋٸپسٸزدٸگٸ مەن جايلىلىعى ٷشٸن اۆتوجول جەنە اۆتوتۇراق سالىندى.
سىردارييا ٶزەنٸنٸڭ قورعانىس بٶگەتتەرٸن نىعايتۋ جۇمىستارى دا قارقىن الدى. دارييا جاعالاۋىنا ەكٸ جولاقتى جاياۋ جٷرگٸنشٸ جەنە ۆەلوسيپەد جولدارى تٷسۋدە.
بۇدان بٶلەك, جىل بويى ٷزدٸكسٸز قىزمەت كٶرسەتەتٸن «Aي-كەرٸم» وقۋ-ساۋىقتىرۋ ورتالىعى اشىلىپ, جەرلەستەرٸمٸزدٸڭ قۋانىشى ەسەلەندٸ. لاگەر جانىنان بوتانيكالىق باق پايدالانۋعا بەرٸلدٸ. باق جاسىل جەلەكتٸڭ بٸرەگەي تٷرلەرٸ ٶسەتٸن, ەكولوگييالىق مەدەنيەتتٸڭ, بٸلٸم بەرۋدٸڭ جەنە ٸشكٸ تۋريزمنٸڭ دامۋىنا قىزمەت ەتەتٸن, ايماق تۇرعىندارى مەن قوناقتارى جيٸ باس قوساتىن ورىنعا اينالدى.
ساياباقتى جالعايتىن توعىز قاباتتى 15 تۇرعىن ٷي كەشەنٸ جاقىن ارادا پايدالانۋعا بەرٸلەدٸ. تۇرعىن ٷي كەشەنٸنٸڭ جانىنان بەس جۇلدىزدى جەنە «يبيس» قوناق ٷيلەرٸ, 200 ورىندىق پەريناتالدىق ورتالىق بوي كٶتەرٸپ كەلەدٸ.
مەملەكەت باسشىسىنىڭ تاپسىرماسىنا سەيكەس پرەزيدەنتتٸك كٸتاپحانا مەن دراما تەاتردىڭ ٸرگەتاسى قالانىپ, قۇرىلىسى جٷرگٸزٸلۋدە.
