Búgin Qyzylordadaǵy Memlekettik rámizder alleiasynda oblys ákimi Murat Ergeshbaevtyń qatysýymen 4 maýsym – QR Memlekettik rámizderi kúnine arnalǵan «Rámizder rýhy – Konstitýtsiianyń kúshi» atty jalpyulttyq patriottyq aktsiia ótti, dep habarlaidy dalanews.kz.
Oǵan oblystyq máslihat tóraǵasy, oblys ákiminiń orynbasarlary, quqyq qorǵaý organdarynyń basshylary, oblystyq qoǵamdyq keńes tóraǵasy, ziialy qaýym, saiasi partiialar, etnomádeni birlestikter, úkimettik emes uiymdar, jastar uiymdarynyń ókilderi qatysty.
Aktsiia «Memlekettik rámizder – táýelsizdik simvoly» atty taqyryptyq prologpen ashyldy.
Aimaq basshysy jinalǵan qaýymdy Memlekettik rámizder kúnimen quttyqtap, el táýelsizdiginiń basty nyshandarynyń tarihi máni men mańyzyna toqtaldy.
«Memleket basshysy: «Ult rámizderi – Táýelsizdigimizdiń kieli boitumary. Eltańba, Tý jáne Ánuran – myzǵymas memlekettigimizdiń belgisi. Qasterli nyshandarymyz Qazaqstannyń egemen el, eńseli jurt ekenin jer júzine áigileidi. Bairaǵy biik eldiń rýhy asqaq bolady», – dep atap ótti.
Bizdiń memlekettik nyshandarymyz Qazaqstandy kúlli álemge beibitshilik pen tatýlyqtyń simvoly retinde dáripteýde. Kók týymyz halyqaralyq arenalarda, álemdegi alpaýyt uiymdardyń tórinde Táýelsiz Qazaqstannyń atyn tanytty. Aibynymyzdy asyrǵan Memlekettik rámizderdi qurmettep ulyqtaý, keler urpaqqa amanat etý – bizdiń azamattyq paryzymyz.
Barshańyzdy Qazaqstan Respýblikasynyń Memlekettik rámizderi kúnimen shyn júrekten quttyqtaimyn! Táýelsizdigimizdiń tumaryna ainalǵan memlekettik nyshandarymyz bolashaqqa bastaǵan uly kóshimizdi demep, igi isterimizdiń uiytqysy bola bersin! Birligimiz jarasyp, jarqyn bolashaqqa basqan ár qadamymyz nyq, el irgesi berik bolsyn!», – dedi Murat Nálqojauly.
Sharada hordyń súiemeldeýimen Memlekettik Ánuran shyrqalyp, jergilikti ónerpazdar patriottyq ánder oryndady.
Rámizder kúnine arnalǵan aktsiia ippodromda atty sherýmen jalǵasty. Sondai-aq tótenshe jaǵdailar qyzmetkerleri Syrdariia ózeninde Memlekettik Týdy qaiyqpen alyp júrip, mereke mazmunyn aishyqtai tústi.
