Sporttyq brendti, infraqurylymdy jáne klýbtyń aktivterin berý týraly kelisimge qol qoiyldy dep habarlaidy Dalanews.kz.
Petropavl qalasynda sporttyq sabaqtastyq týraly kelisimge qol qoiyldy. Qujat «Qyzyl-Jar» fýtbol komandasynyń QFF, FIFA jáne UEFA qoldaýymen ótetin jarystarǵa qatysýyna bailanysty quqyqtary men mindetteriniń berilýin anyqtaidy.
Memleket basshysynyń kásibi fýtbol klýbtaryn jekeshelendirý jónindegi tapsyrmasyn iske asyrý sheńberinde «Qyzyl-Jar» fýtbol klýbynyń investory bolyp kásipker Sergei Kan anyqtaldy.
Basqarýdy tiimdi damytý jáne jańǵyrtý maqsatynda investor jańa zańdy tulǵany – «QYZYLJAR» fýtbol klýby» jeke mekemesin tirkedi.
Taraptar barlyq jarystarǵa qatysý quqyǵyn berýmen qatar, komanda jarystarǵa qatysatyn klýb ataýyn berý týraly ýaǵdalastyqtarǵa qol jetkizdi; taýar belgisine ziiatkerlik menshik quqyǵy, sondai-aq klýb tústeri-Petropavl turǵyndarynyń súiikti fýtbol komandasy burynǵydai qyzyl-qara tústerde oinaityn bolady.
Aldyńǵy quqyq iesi klýbty QFF, FIFA, UEFA jáne CAS zańdy (sot) organdarynda qaralatyn isterge, sondai-aq quqyqtar men mindetter berilgennen keiin týyndaýy múmkin ister boiynsha qatysýǵa tartýmen bailanysty jaǵymsyz saldardyń týyndaýyn boldyrmaýǵa mindettenedi. Al mundai daýlar týyndaǵan jaǵdaida aldynǵy quqyq iesi olardy óz kúshimen sheshýge mindettenedi.
Klýbty Soltústik Qazaqstan oblysynyń ákimdigimen birlesip qarjylandyrý týraly ýaǵdalastyqqa qol jetkizildi.
Sondai-aq, komandanyń negizgi quramy úshin jaily turǵyn úi jaǵdailaryn jasaýǵa múmkindik beretin jańa sporttyq baza salý josparlanýda. Bul jobany iske asyrý klýbtyń materialdyq-tehnikalyq bazasyn nyǵaitýǵa múmkindik beredi.
Sonymen qatar, Petropavldaǵy «Qarasai» stadiony klýbtyń senimgerlik basqarýyna beriledi. Qazirgi ýaqytta ýákiletti organdarmen kelissózder men kelisý rásimderi júrgizilýde. Stadiondy klýbtyń basqarýyna berý infraqurylymdy tiimdi paidalanýǵa, Oqý protsesi men úi matchtaryn ótkizý úshin jaǵdaidy jaqsartýǵa, sondai-aq óńirde fýtbol is-sharalaryn uiymdastyrý deńgeiin arttyrýǵa múmkindik beredi.
«Qyzyl-Jar» fýtbol komandasynyń bas menedjeri bolyp Álisher Apsaliamov taǵaiyndaldy. Onyń qyzmettik tiziminde: «Sarajevo» (Bosniia jáne Gertsegovina), «Cardiff City» (Ulybritaniia, Ýels), «Qairat» (Almaty), «Kaspii» (Aqtaý), «Atyraý» (Atyraý), «Tobyl» (Qostanai) fýtbol klýbtarynda eńbek tájiribesi bar.
«Jaqyn arada «QYZYLJAR» fýtbolshylarynyń josparynda – Túrkiiadaǵy oqý-jattyǵý jiyndary, onda bir jarym ai ishinde aldaǵy maýsymǵa arnalǵan oiyn komandasynyń quramy aiqyndalady. Klýb menedjmenti qazaqstandyq jáne halyqaralyq naryqty zerdelei otyryp, fýtbolshylardy muqiiat taldaý jáne irikteý júrgizetin bolady», - dep atap ótti Álisher Apsaliamov.
«QYZYLJAR» fýtbol klýby Qazaqstan Respýblikasy Prezidentiniń tapsyrmasyna sáikes jekeshelendirý úderisinen alǵashqylardyń biri bolyp ótti. Bul qadam basqarýdyń tiimdiligin arttyrýǵa, qarjylyq turaqtylyqty nyǵaitýǵa jáne óńirdiń fýtbol infraqurylymyn damytýǵa investitsiialar tartý úshin jańa múmkindikter jasaýǵa baǵyttalǵan.
Komanda jańa maýsymdy jańartylǵan formatta - jeke otandyq investormen, kúsheitilgen qurammen jáne klýbty damytýǵa zamanaýi kózqaraspen bastaidy.
