DSM ókilderi qyz balalarǵa APV-ǵa qarsy vaktsina ne úshin qajet ekenin túsindirdi, dep habarlaidy dalanews.kz.
APV-ǵa qarsy vaktsinatsiialaý adam papillomasy virýsynyń eń qaýipti túrlerinen qorǵanýǵa kómektesedi jáne jatyr moiny obyrynyń damý qaýpin aitarlyqtai tómendetedi.
Qazaqstanda qyz balalar 11 jasynda APV-ǵa qarsy vaktsinany tegin ala alady. Al vaktsinatsiialaýdan ótip úlgermegen jaǵdaida, 17 jasqa deiin qosa alǵanda, ekpeni tegin alý múmkindigi bar.
«Balany virýspen yqtimal kezdesýden buryn aldyn ala qorǵaǵan durys. Sondyqtan vaktsinatsiialaý jasóspirim kezeńde júrgiziledi», — dedi Almaty qalasyndaǵy № 36 qalalyq emhananyń direktory Gúljainat Tilegen.
