Memleket basshysy Qasym-Jomart Toqaev eldiń tynyshtyǵy úshin bilik barlyq sharany qoldanatynyn aitty, - dep habarlaidy Dalanews.kz.
"Bilik eldiń tynyshtyǵy men qaýipsizdigin qamtamasyz etý úshin tiisti shara qoldanatyn bolady. Kim aitsa da, mundai baǵyttaǵy túrli qiturqylyq pen páleqorlyqty qoǵam qatań synǵa alady, quqyq qorǵaý organdary da soǵan sáikes áreket jasaidy.
Qoǵamda alaýyzdyq týdyratyn kez kelgen áreketke qatań tosqaýyl qoiý qajet. Azamattarymyzdyń bizge qatysy joq aqparat maidanyna aralasyp, óshpendilikti nasihattaýy elimizdegi turaqtylyqqa jáne qoǵamdyq kelisimge zor qater tóndiredi. Árqaisymyz azamattardyń quqyǵy teń jáne erkin bolýyn qamtamasyz etetin Ata Zańymyzdyń árbir sózin buljytpai ustanýymyz qajet. Zań men tártiptiń árdaiym jáne barlyq jerde saqtalýy, zań ústemdiginiń sózben de, ispen de ornyǵýy mańyzdy.
Bizdiń mindetimiz – qoǵamda ózara qurmet pen senimdi nyǵaita túsý. Sondai-aq dini, aimaqtyq nemese áleýmettik-ekonomikalyq alshaqtyqty boldyrmaý úshin barshaǵa ortaq jańa qaǵidattar men ustanymdar oilastyrý. Assambleianyń osy kúrdeli máselege bailanysty atqaryp jatqan qyzmeti airyqsha mańyzdy", - dedi Prezident.
