مەملەكەت باسشىسى قاسىم-جومارت توقايەۆ ەلدىڭ تىنىشتىعى ءۇشىن بيلىك بارلىق شارانى قولداناتىنىن ايتتى، - دەپ حابارلايدى Dalanews.kz.
"بيلىك ەلدىڭ تىنىشتىعى مەن قاۋىپسىزدىگىن قامتاماسىز ەتۋ ءۇشىن ءتيىستى شارا قولداناتىن بولادى. كىم ايتسا دا، مۇنداي باعىتتاعى ءتۇرلى قيتۇرقىلىق پەن پالەقورلىقتى قوعام قاتاڭ سىنعا الادى، قۇقىق قورعاۋ ورگاندارى دا سوعان سايكەس ارەكەت جاسايدى.
قوعامدا الاۋىزدىق تۋدىراتىن كەز كەلگەن ارەكەتكە قاتاڭ توسقاۋىل قويۋ قاجەت. ازاماتتارىمىزدىڭ بىزگە قاتىسى جوق اقپارات مايدانىنا ارالاسىپ، وشپەندىلىكتى ناسيحاتتاۋى ەلىمىزدەگى تۇراقتىلىققا جانە قوعامدىق كەلىسىمگە زور قاتەر توندىرەدى. ءارقايسىمىز ازاماتتاردىڭ قۇقىعى تەڭ جانە ەركىن بولۋىن قامتاماسىز ەتەتىن اتا زاڭىمىزدىڭ ءاربىر ءسوزىن بۇلجىتپاي ۇستانۋىمىز قاجەت. زاڭ مەن ءتارتىپتىڭ ءاردايىم جانە بارلىق جەردە ساقتالۋى، زاڭ ۇستەمدىگىنىڭ سوزبەن دە، ىسپەن دە ورنىعۋى ماڭىزدى.
ءبىزدىڭ مىندەتىمىز – قوعامدا ءوزارا قۇرمەت پەن سەنىمدى نىعايتا ءتۇسۋ. سونداي-اق ءدىني، ايماقتىق نەمەسە الەۋمەتتىك-ەكونوميكالىق الشاقتىقتى بولدىرماۋ ءۇشىن بارشاعا ورتاق جاڭا قاعيداتتار مەن ۇستانىمدار ويلاستىرۋ. اسسامبلەيانىڭ وسى كۇردەلى ماسەلەگە بايلانىستى اتقارىپ جاتقان قىزمەتى ايرىقشا ماڭىزدى"، - دەدى پرەزيدەنت.
